Кумитаи ҳолатҳои фавқулодда ва мудофиаи граждании назди ҳукумати бо истинод ба маълумотҳои Агентии обуҳавошиносии кишвар хабар медиҳад, ки то 15 июли соли 2018 (ғайр аз ВМКБ), дар қисми бештари кишвар ҳавои хушку гарм боқӣ монда, ҳарорати ҳаво 43 дараҷа гарм боқӣ мемонад.
Дар маълумоти дар сомонаи расмии Кумита дар ин робита нашршуда зикр мегардад, ки дар натиҷаи баландшавии ҳарорати ҳаво ва боқӣ мондани он дар доманакӯҳҳо ва баландкӯҳҳо обшавии барфҳо ва пиряхҳо ба амал омада, хавфи омадани сел, фаромадани ярч ва сангрезиш ҳамоно баланд мемонад. Инчунин, баландшавии сатҳи оби дарёҳо низ боқӣ мемонад.
Гуфта мешавад, дар ҷануб, ҷанубу ғарби кишвар эҳтимолияти зуҳуроти хатарноки агрометеорологӣ – “хушкшавии маҳсулоти хоҷагии қишлоқ” дар назар аст.
Дар ҳамин иртибот КҲФ аз шаҳрвандон ва меҳмонони кишвар хоҳиш мекунад, ки хеле эҳтиёткор бошанд, бахусус ҳангоми истифода аз роҳҳои кӯҳӣ гузаштан ва ҳузур дар соҳили дарёҳову кӯлҳо ботаваҷҷӯҳ бошанд. Диққати махсус ба маҳсулоти хоҷагии қишлоқ бояд дод!
Ҳамчунин Кумита аз шаҳрвандон ва меҳмонони мамлакат хоҳиш мекунад барои таъмини бехатарии худ ва атрофиён саъю кӯшиш намоянд!
Зимнан зикр мегардад, ки дар ҳолати фавқулодда ё ниёз ба кумак, фавран бо телефони 223-13-11 ва ё 112 ба Кумитаи ҳолатҳои фавқулодда муроҷиат намоед.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
