Президенти Ҷумҳурии Ҳиндустон Шри Рам Натҳ Ковинд рӯзи 8 октябр дар Душанбе дар доираи сафари давлатиаш ба хотири гиромидошти фарзандони барҷастаи мардуми ҳинд, ба пояи муҷассамаҳои Маҳатма Гандӣ ва Робиндранат Такур гулчанбар гузошт.
Бино ба маълумоти АМИТ “Ховар”, дар маросими гулчанбаргузорӣ меҳмони олиқадрро Вазири фарҳанги Ҷумҳурии Тоҷикистон Шамсиддин Орумбекзода ва дигар шахсони расмӣ ҳамроҳӣ намуданд.
ИЗОБРАЖЕНИЕ
Зикр мегардад, ки парда аз рӯи нимпайкараи Маҳатма Гандӣ соли 2003 дар доираи сафари собиқ Сарвазири Ҳиндустон Атал Биҳари Ваҷпай ба Ҷумҳурии Тоҷикистон бардошта шуда буд.
ИЗОБРАЖЕНИЕ Нимпайкараи Маҳатмаи Гандӣ дар гулгашти каме дуртар аз сафоратхона Ҳиндустон дар Тоҷикистон гузошта шудааст
Гуфта мешавад, соли 2015 Президенти Ҷумҳурии Тоҷикистон Эмомалӣ Раҳмон ва Сарвазири Ҳиндустон Нарендра Моди дар маросими пардабардорӣ ва ифтитоҳи нимпайкараи шоир ва нависандаи бузурги ҳинд Робиндранат Такур дар шаҳри Душанбе ҳузур доштанд.
ИЗОБРАЖЕНИЕ Нимпайкараи Такур дар гулгашти рӯ ба рӯи Донишгоҳи славянӣ воқеъ аст
Ҳамчунин қайд мешавад, ки дар Ҷумҳурии Тоҷикистон Маркази илмию фарҳангӣ ва тиббии Ҳиндустон амал мекунанд, ки фаъолияти онҳо ба таҳкими равобити илмӣ ва фарҳангии ду давлат равона шудааст.
