Бонки осиёгии рушд (БОР) грантро дар ҳаҷми 32 млн. доллар баҳри беҳбуд бахшидан ба хиҳматрасониҳои тандурустӣ дар се ноҳияи Тоҷикистон – Файзободу Рашт ва Шамсиддини Шоҳин маъқул шуморид.
Арзиши умумии лоиҳа 35,2 млн. долларро ташкил дода, ҳиссаи ҳукумати Тоҷикистон дар он 3,2 млн. долларро ташкил медиҳад, хабар доданд ба “Азия-Плюс” аз намояндагии БОР дар Душанбе.
Лоиҳаи беҳбуди солимии модару кӯдак ба ҳалли мушкилоти асосии бахши тандурустии Тоҷикистон, аз қабили маблағгузории нокофӣ, зербинои кӯҳнашуда, норасоии ҳайати тиббии касбӣ, бахусус дар деҳот кумак мекунад.
Дар доираи лоиҳа зербино ва таҷҳизот дар беморхонаҳои марказӣ ва марказҳои солимии деҳот таҷдид шуда, ба баланд бардоштани сатҳи огаҳӣ ва рафтор нисбати масоили солимӣ байни аҳолӣ таваҷҷуҳи хосса зоҳир мешавад.
Дар чаҳорчӯби лоиҳа ҳамчунин дастгирии талошҳои ҷумҳурӣ дар самти ташкил кардани низоми миллии идоракунии таҷҳизот пешбинӣ шудааст. Анҷоми амалисозии лоиҳа соли 2025 дар назар аст.
“Аҳолии солим барои рушду инкишофи Тоҷикистон бағоят муҳим аст, аммо барои ин хизматрасониҳои хушсифат ва дастрас дар соҳаи тандурустӣ заруранд, бахусус барои модарону кӯдакон”, – қайд кардааст сармутахассиси БОР оид ба тандурустӣ Роузел Лавадо.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
