Ҳукумати Тоҷикистон ва Иттиҳоди Аврупо дар мавриди пардохти 9,36 миллион евро ҳамчун қисми транши дуюми “Барномаи дастгирии рушди инсонӣ II” дар Тоҷикистон ба мувофиқа расиданд.
Адолат, самаранокӣ, ва сифати беҳтари тандурустӣ ва хизматрасонии иҷтимоӣ принсипҳои бунёдии ҳамин дастгирии буҷет маҳсуб меёбанд. Мақсади “Барномаи дастгирии рушди инсонӣ” мусоидат дар ноил гаштани ҳадафҳои асосии сиёсат дар бахши тандурустӣ ва дар бахши ҳифзи иҷтимоӣ мебошад, ки ин дар навбати худ имконияти дастгирии боз ҳам самарабахшро ба қишрҳои осебпазири аҳолӣ фароҳам меоварад.
Дар доираи бахши тандурустӣ ҳадафи Барнома таҳкими таъмини саривақтӣ ва бо нархҳои дастрас маводи дорувории босифат ба муассисаҳои кӯмаки аввалияи тиббию санитарӣ ва беморхонаҳои ноҳиявӣ мебошад.
Дар доираи бахши ҳифзи иҷтимоӣ, Барнома ба Тоҷикистон дар иҷроиши талаботҳои техникӣ, ки барои татбиқи ислоҳоти низоми нафақа ва таъмини фарогирии умумимиллӣ ба ҳама гурӯҳҳои марбут зарур мебошанд, кӯмак мерасонад.
Иттиҳоди Аврупо ва Ҷумҳурии Тоҷикистон дар соли 2014 “Барномаи дуюми Дастгирии рушди инсониро” ба ҳайси барнома ҷиҳати дастгирии татбиқи ислоҳот дар бахшҳои тандурустӣ ва ҳифзи иҷтимоӣ дар Тоҷикистон имзо намуданд.
Хабарҳои моро дар Viber пайгирӣ намоед, ба шабакаи мо бо суроғаи https://viber.com/asia-plus ҳамроҳ шавед.
Хабаргузории Asia-Plus-ро манбаи асосии иттилооти худ дар Google Новости бигардон, ба шабака бо суроғаи зерин обуна шав.
