Намоишгоҳи байнулмилалии универсалии “Тоҷикистон-2019” давоми рӯзҳои 28-31 март дар маҷмаии давлатии “Кохи Борбад”-и шаҳри Душанбе доир мегардад.
Ба ҷуз ширкатҳои Тоҷикистон, то ин замон баҳри иштирок дар намоишгоҳи мазкур ширкатҳо аз Русия, Ӯзбекистон, Кореяи Ҷанубӣ, Туркия ва Афғонистон сабтином шудаанд, хабар медиҳад дафтари матбуоти Палатаи свдо ва саноати Тоҷикистон.
Бино ба иттилои манбаъ, дар доираи кори намоишгоҳ санаи 28 март баргузор шудани Форуми доираҳои тиҷоратии Тоҷикистон ва кишварҳои иштирокчии ин чорабинӣ ба нақша гирифта шудааст.
Гуфта мешавад, арзиши иҷораи лавҳаи намоишгоҳ барои 1 метри мураббаъ 120 доллар ва ҳақмузди бақайдгирӣ низ 120 долларро ташкил медиҳад.
Дар намоишгоҳ маҳсулоти гуногун, аз қабили таҷҳизот ва технологияҳои энергетикӣ, таҷҳизоту техникаи саноати кӯҳкорӣ, нуриҳои минералӣ, техникаи кишоварзӣ, маҳсулоти саноати хӯроквоӣ, саноати сабук, техникаи тиббӣ, маҳсулоти доруворӣ, қисмҳои эҳтиётии автомобилҳо, воситаҳои наҷотдиҳӣ ва ҳифз аз сӯхтор, таҷҳизоти истеҳсоли бозиҷаҳои кӯдакона ва ғайра ба маърази тамошо гузошта мешавад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
