Бо фармоиши президенти Тоҷикистон Эмомалӣ Раҳмон дар тамоми шаҳру навоҳӣ ва вилоятҳои кишвар озмуни умумиҷумҳуриявии “Кадбонуи беҳтарини Тоҷикистон” баргузор мешавад, хабар доданд ба “Азия-Плюс” аз Кумитаи кор бо занон ва оилаи назди ҳукумати ҷумҳурӣ.
Ғолибони озмун дар минтақаҳо ба иштирок дар давраи ниҳоӣ, ки дар “Боғи Ирам”-и пойтахт санаи 13 апрел доир мегардад, ҳуқуқ пайдо мекунанд.
Комиссияи ҷумҳуриявии озмунро ёвари президент оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода роҳбарӣ мекунад.
Мувофиқи шартҳои озмун, иштирокчиёни он бояд аз уҳдаи оростани дастурхон, тайёр кардани хӯрокҳои миллӣ, пухтани нон ба хубӣ баромада, ҳамчунин бояд сермутолиа бошанд, то ки ба фарзандон дар тайёр кардани вазифаҳои хонагӣ кумак расонанд.
Ғолибони озмун бо ифтихорномаҳо ва ҷоизаву туҳфаҳои махсус қадронӣ мешаванд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
