Раиси шаҳри Душанбе Рустами Эмомалӣ дар бораи таъсиси “Фонди рушди пойтахти Тоҷикистон” қарор ба имзо расонид.
Яке аз сарчашмаҳои воридшавии маблағҳо ба фонди мазкур пардохти пули гирифтани иҷозат барои сохтмони манзил ва нуқтаҳои фурӯш дар Душанбе мешавад, хабар дод ба “Азия-Плюс” як манбаъ аз дастгоҳи раиси пойтахт.
Бо пешниҳоди ҳукумати Тоҷикистон вакилони палатаи поёнии парлумон аввали моҳи феврал аз лоиҳаи қонуни аз ҷониби ҳукумат пешниҳодшуда дар бораи ворид намудани тағйироту илова ба қонун «Дар бораи мақоми пойтахт» якдилона дастгирӣ карданд.
Мувофиқи тағйироту иловаҳои ба ин қонун воридшуда, раиси пойтахт ба таъсиси фондҳои рушди шаҳр, дастгирии соҳибкорон ва хайру эҳсон ҳуқуқ пайдо кард.
Ҳамон вақт вакилони парлумон лоиҳаи қонуни аз ҷониби ҳукумат пешниҳодшударо дар бораи ворид намудани тағйироту илова ба қонун «Дар бораи дигар пардохтҳои ҳатмӣ ба буҷет» низ якдилона тасдиқ намуданд.
Маблағи гирифтани иҷозати сохтмони сохтмони бино ва иншоот дар шаҳри Душанбе аз 165 то 220 сомониро барои 1 метри мураббаъи иншоот ташкил медиҳад.
Пас аз қабули тағйироту иловаҳо ширкатҳои сохтмон, ки ба бунёди манзил ва нуқтаҳои фурӯш дар қаламрави шаҳри Душанбе машғуланд, барои гирифтани иҷозати ҳукумати шаҳр хироҷ пардохт мекунанд. Маблағи хироҷ аз майдони корҳои сохтмон вобаста аст.
Ин воситаҳо ба суратҳисоби махсуси ҳукуматдорони пойтахт гузаронида мешаванд, ки онро бо ин мақсад Вазорати молияи Тоҷикистон боз мекунад.
Ташкилотҳои буҷетии ҷумҳурӣ, ки ба сохтмони иншооти таъиноти саноатӣ ва иҷтимоӣ, иншооти зербинои бахши сайёҳӣ машғуланд, аз пардохти чунин хироҷ озод карда мешаванд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
