Обуҳавои боронии баҳори имсола дар Тоҷикистон ба ҳосили сабзавоту мева таъсири манфӣ расонида метавонад. Сабзавоту меваи осебпазир аз боришоти зиёд дар фасли баҳор зардолу, шафтолу, олуболу, гелос ва помидору бодиринг мебошанд.
ИЗОБРАЖЕНИЕ Боронҳои моҳи апрел ба гелос зарар расониданд
Боғдор аз Турсунзода Дӯст Ҳабибов бо изҳори нигаронӣ аз чунин вазъи обуҳаво мегӯяд, агар дар обуҳавои мусоид аз 15 сотих қитъаи замин 1 тонна бодиринг ҷамъоварӣ шавад, пас дар обуҳавои сербориш ҳамагӣ 300 кило ҳосил ба даст оварда мешавад, яъне 70%-и ҳосил талаф меёбад.
Дар натиҷа нархи яклухти бодиринг дар бозори шаҳри Турсунзода тайи ду рӯзи охир аз 1,80 сомонӣ то 3 сомонӣ барои 1 кило боло рафт. Чаканафурӯшон онро аллакай бо нархи 4-5 сомонӣ барои 1 кило ба савдо мегузоранд. Дар пойтахт низ аҳвол чунин аст.
ИЗОБРАЖЕНИЕ
“Аз боришот пиёзу помидор ҳам осеб диданд, зеро онҳо ба касалиҳо дучор шуда, барои муолиҷаи он воситаҳои ҳимояи кимиёвӣ зарур аст, ки қиматанд ва дар ниҳояти кор ба болоравии арзиши аслии маҳсулот боис мегарданд”, – мегӯяд боз як кишоварзи дигар аз шаҳри Турсунзода Муҳаммад Шаймардонов.
Бино ба пешгӯии номбурда, имсол ҳосили шафтолу ва навъҳои тезпазаки ангур начандон зиёд хоҳад шуд.
ИЗОБРАЖЕНИЕ
Қобили зикр аст, ки босуръат тағйирёбии ҳарорат, масалан, аз 30 дараҷа гарм то 12-14 салқинӣ дар муҳлати кӯтоҳ ба растаниҳо хатари зиёд дорад.
Коршиносони байнулмилалӣ тавсия медиҳанд, ки барои эмин нигоҳ доштани ҳосили маҳсулоти кишоварзӣ мебояд бештар аз парвариши растаниву буттаҳо дар гармхонаҳо ва зери плёека истифода кард.
ИЗОБРАЖЕНИЕ
Масалан, дар кишварҳои рушдёфта, натанҳо сабзавот, балки меваҳо низ дар гармхонаҳо првариш карда мешаванд. Ба гунаи мисол, дар Италия гелос дар хоки пӯшида (гармхонаҳо) парвариш ёфта, ҳосили хуб медиҳад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
