Шаҳрванди Италия Верни Освалдо Сомилои 60-сола тариқи телефон ба шуъбачаи милитсияи сайёҳии Шуъбаи милитсия оид ба масъалаҳои экологии ВКД Тоҷикистон муроҷиат намуда, изҳор доштааст, ки дар роҳи Хуҷанд-Душанбе сумкаашро гум кардааст ва инчунин мототсиклаш низ вайрон шудааст.
Бино ба иттилои маркази матбуоти ВКД Тоҷикистон, кормандони милитсияи сайёҳӣ ба Верни Освалдо Сомило ёрии ҳуқуқӣ ва амалӣ расонида, мототсикли ӯро ва то гузаргоҳи сарҳадии шаҳри Панҷакент бо автомашинаи хизматӣ бурда расониданд.
Милитсияи сайёҳӣ ҳамчунин ба шаҳрванди Австралия Алфредо Стефан Ричарди 45-сола низ кумак кард, ки дар ноҳияи Мурғоби ВМКБ бо дучарха ба санг бархӯрда, ҷароҳатҳои вазнини ҷисмонӣ бардошта буд.
Гуфта мешавад, номбурда оид ба садама дучор шуданаш ба милитсияи сайёҳии Тоҷикистон тавассути телефон муроҷиат намуда, кӯмак хост.
“Кормандони шуъбача фавран кормандони милитсияи сайёҳӣ дар ВМКБ-ро ба ҷои ҳодиса сафарбар ва ба ӯ ёрии таъҷилӣ расонида шуда, бо автомашинаи милитсияи сайёҳӣ ӯ нахуст ба шаҳри Хоруғ оварда мешавад ва сипас бо дастгирии милитсияи сайёҳӣ ба шаҳри Душанбе интиқол дода шуд”, – омадааст дар хабар.
Зимнан зикр мегардад, ки сайёҳони хориҷӣ ба кормандони милитсияи сайёҳӣ барои кӯмак ва дастгирӣ самимона миннатдорӣ изҳор намуданд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
