Минбаъд сокинони пойтахт метавонанд ба раиси шаҳр Рустами Эмомалӣ арзу шикоят, пешниҳоду тавсия ва фикру мулоҳизаҳои худро бобати ин ё он масъала равон кунанд.
Бино ба иттилои дафтари матбуоти мақомоти шаҳрдории Душанбе, ин иқдом бо мақсади беҳтар кардани сатҳу сифати хизматрасонии муассисаҳои тиббии пойтахт ва фаъолияти кормандони соҳаи тандурустии шаҳр роҳандозӣ мешавад.
Дар мақомоти шаҳрдории пойтахт ба “Азия-Плюс” итминон доданд, ҳеҷ яке аз муроҷиатҳо бе таваҷҷуҳ намемонад.
Гуфта мешавад, сокинони пойтахт оид ба камбудиҳои ҷойдоштаи соҳа фикру мулоҳиза ва таклифу пешниҳодяшонро мустақиман тавассути “Viber” ва “Whatsapp” ба рақами 985-95-22-22 ва почтаи электронии [email protected] ба унвони Раиси шаҳри Душанбе ирсол карда метавонанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
