Айни замон дар Тоҷикистон озмуни ҷумҳуриявии ҳунар ва зебоӣ «Зебосанам – 2019» ҷараён дорад.
Озмуни мазкур бо дастгирии Ҳукумати Ҷумҳурии Тоҷикистон ва сарпарастии Ширкати ватании «Тоҷик Кристалл» дар ҳамбастагӣ бо Вазорати фарҳанги ҶТ, Кумитаи телевизион ва радиои назди Ҳукумати ҶТ, Кумитаи кор бо ҷавонон ва варзиши назди Ҳукумати ҶТ, Кумитаи кор бо занон ва оилаи назди Ҳукумати ҶТ бахшида ба «Соли рушди деҳот, сайёҳӣ ва ҳунарҳои мардумӣ» гузаронида мешавад.
Мақсад аз баргузории озмун эҳёи анъанаҳои мардумӣ, рушду равнақи либосҳои миллӣ, тарғиби ҳунармандӣ ва инкишофи маҳорати суханварии ҷавондухтарон мебошад.
Даври аввали марҳилаи интихобии озмун (кастинг) аллакай дар шаҳрҳои Хуҷанд, Панҷакент, Кӯлоб, Бохтар ва Хоруғ доир гардид.
Марҳилаи аввал барои дарёфти гулдухтарони арзанда аз шаҳру вилоятҳои гуногуни ҷумҳурӣ бо сарулибос ва анъанаҳои ба он минтақа хос ва муайян кардани беҳтаринҳо барои иштирок дар давраҳои минбаъдаи озмун равона мешавад.
Тибқи нақша, марҳилаи интихобии озмуни «Зебосанам – 2019» барои ноҳияҳои тобеи марказ ва шаҳри Душанбе рӯзи 8-уми октябр дар «Кохи Суруш»-и пойтахт баргузор хоҳад шуд.
Гулдухтарони аз 18 то 28-солае, ки қомати расо, симои зебо, ҳунари воло ва маҳорати суханварӣ доранд, метавонанд худро дар Маркази ҷавоҳироти «Тоҷик Кристалл» номнавис карда, дар ин озмуни муҳташам ширкат варзанд.
Иштирокчиён ва ғолибонро туҳфаҳои арзанда интизор аст.
Бурди асосӣ – 50000 сомонӣ.
Телефон барои тамос: 227 65 63, 904 27 65 63.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
