Моҳи апрели соли 2020 нахустнамоиши филми коргардони рус Сергей Ястржембский дар бораи тақдири бузи пармашохи “Морхӯр” дар Тоҷикистон баргузор мешавад.
Дар студияи “Ястребфилм” ба “Азия-Плюс” изҳор доштанд, ки то имрӯз наздики 10 гузориш наворбардорӣ шуда, охири сол корҳои таҳияи филм ба итмом мерасад.
ИЗОБРАЖЕНИЕ Сергей Ястржембский
Гузориш дар бораи наворбардории филми мустанад аввали баҳори соли равон дар шабакаи телевизиони “Дикий” намоиш дода шуд.
Бино ба иттилои манбаъ, дар ин филми мустанад оид ба шикор, аниқтараш дар бораи таъсираш ба бақои табиати ваҳшӣ ва бошандагони он сухан меравад.
Коргардон дар бораи дигаргун шудани тасаввуроти ҷомеа нақл мекунад, ки чӣ гуна сокинону шикорчиён қаблан Морхӯрҳоро дар кӯҳҳои Помир мепарониданд ва акнун онҳоро ҳифз мекунанд.
“Мо адолатро барқарор карда, ҳамаро дар ҷойи худашон гузоштанием, – мегӯяд Сергей дар мусоҳибаи маҳфили шикорчиёни “Сафари”. – Мо дар бораи он филм таҳия карданием, ки чӣ гуна сиёсати оқилонаи давлатӣ ва шикори дуруст роҳандозишуда ин шуғли қадимаи инсонро тағйир дода, ба соҳаи пурсамар ва аз лиҳози экологӣ осебнопазири иқтисодӣ табдил медиҳад”.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
