Мунтахаби футболи ҷавонони Тоҷикистон (U-19) дар даври интихобии мусобиқаи Чемпионати Осиё-2020 дар гурӯҳи “С” дар се бозӣ ғалаба ба даст овард.
Дар даври хотимавӣ шогирдони Зайниддин Раҳимов бо ҳисоби 1 бар 0 бар дастаи Сурия дастболо шуданд. Тӯби ягонаро дар дақиқаи 46-ум ҳамлагари дастаи “Истиқлол”-и пойтахт Шаҳром Самиев ба ҳадаф расонид.
Дар ду бозии аввали ин даври интихобӣ дар гурӯҳи “С” футболбозони ҷавони тоҷик тими Малдивро бо ҳисоби 9:0 ва Лубнонро бо ҳисоби 1:0 мағлeб карданд.
Ҳамин тариқ, бо касби 9 холи имконпазир мунтахаби Тоҷикистон дар гурӯҳи “С” зинаи аввалро ишғол намуда, ба даври финалии Чемпионати Осиё, ки соли оянда дар Ӯзбекистон баргузор мешавад, роҳхат гирифт.
Боқимонда 14 дастаи иштирокдори Чемпионати Осиё-2020 байни ҷавонон дар Ӯзбекистон рӯзи 10-уми ноябр бо анҷоми мусобиқаи даври интихобӣ дар 10 гурӯҳи дигар муайян карда мешаванд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
