МегаФон Тоҷикистон пойгоҳҳои нави базавии шакли 4G-ро, ки дар ноҳияҳои вилояти Хатлон ба кор дароварда шуданд, ба истифода супорид. Суръати баланди интернети мобилии оператор ба зиёда аз 60 ҳазор сокинони Қумсангир, Вахш ва Ҷиликул дастрас шуд.
Тавре дар ширкат қайд мекунанд, ҳадафи асосии васеъкунии шабакаи 4G – ба сокинони ноҳияҳо пешниҳод кардани ҳамаи имкони истифодаи хизматрасониҳои рақамие мебошад, ки дар шаҳрҳои бузург дастрас мебошанд. Бо корандозии пойгоҳҳои нав муштариён аз деҳаҳои Хатлон имкон пайдо карданд, ки бо суръати баланд интернетро бевосита дар хонаҳои худ истифода баранд. Қаблан онҳо интернети 4G-ро танҳо дар маркази ноҳия истифода карда метавонистанд.
“Мо афзоиши назарраси трафики мобилиро дар Хатлон мушоҳида мекунем – ҳар сол он аз ҳама кам ду маротиба зиёд гардида, қисми бештари он ба шабакаи LTE рост меояд. Мо интизори маҳз чунин натиҷаҳо будем, зеро хизматгузориҳои муосири интернетӣ ба таври уствор вориди ҳаёти мо шудаанд. Вазифаи мо – таъмин кардани имкониятҳо барои истифодаи қулайи онҳо сарфи назар аз макони иқомати муштарӣ ба шумор меравад”, – мегӯяд сарвари раёсати минтақавии ширкати “МегаФон Тоҷикистон” дар вилояти Хатлон Маҷид Сайтасанов.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
