Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Хатлон 2,1 тона доруворӣ, маводи ороишию гигиенӣ ва ғизои кӯдаконаи муҳлати истифодааш гузашта ва бе сертификати мутобиқатро нобуд кард.
Аз маркази матбуоти сарраёсати мазкур ба “Азия-Плюс” хабар доданд, ки ин миқдор мавод дар партовгоҳи марказии шаҳри Бохтар сӯзонида шуд.
Дар маҷмӯъ, аз аввали соли равон 971 номгӯйи чунин доруворӣ, маводи ороишию гигиенӣ ва ғизои кӯдакона дар ҳаҷми 9 тоннаю 386 кг ба маблағи қариб 530 ҳазор сомонӣ маҳв карда шудааст.
“Аз ҷамъи маводи сӯзонидашуда 622 номгӯй тариқи аризаҳои муроҷиатии муассисаҳои фармасевтӣ ва табобатию профилактикӣ барои безарар кардан ба сарраёсат супорида шудаанд. Ҳамчунин 260 номгӯй зимни санҷишҳои мутахассисони саррраёсат аз муомилот гирифта шуданд”, – афзуд манбаъ.
Зимнан тӯли 11 моҳи соли ҷорӣ мутахассисони 155 парвандаи ҳуқуқвайрокунӣ дар нисбати шахсони воқеъӣ ва ҳуқуқӣ, ки ба камбудиҳо роҳ додаанд, оғоз гардида, онҳо ба маблағи 267 ҳазору 740 сомонӣ ҷарима шудаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
