Прокуратураи вилояти Суғд аз фаъолият дар соли 2019 натиҷагирӣ кард. Прокурори вилоят Ҳабибулло Воҳидов қайд кард, ки соли 2019 ба мақомоти прокуратураи вилояти Суғд беш аз 11,3 ҳазор муроҷиат ворид шуда, зиёда аз 3,7 ҳазор адади онҳо баррасӣ ва 665 адад қонеъ гардонида шудааст.
Дар ин росто 375 нафар шахсон ба ҷавобгарии ҷиноятӣ ҷалб гардида, 298 қарори ғайриқонунии мақомоти бозрасӣ ва тафтишот бекор шудаанд. Дар ин муддат 129 парвандаи маъмурӣ ва 3 парвандаи ҷиноятӣ боз шудааст.
Дар самти назорати умумӣ ҳамагӣ 1575 санҷиш гузаронида шуда, қариб 23 ҳазор қонуншиканӣ ошкор шудааст. Зиёда аз 13,5 ҳазор нафар ба ҷавобгарӣ ҷалб шуда, 952 парвандаи ҷиноятӣ оғоз ва 179,4 млн. сомонӣ зарари молиявӣ рӯёнида шудааст.
Давоми сол барои қонуншиканӣ дар соҳаи тандурустӣ 290 нафар ба ҷавобгарии интизомӣ ва маъмурӣ ҷалб шуда, нисбат ба 33 нафар парвандаи ҷиноятӣ оғоз гардидааст.
Дар қаламрави вилояти Суғд соли 2019 дар маҷмӯъ 6378 ҷиноят ба қайд гирифта шудааст, ки 295 ҳолат зиёдтар аз ҳамин давраи соли 2018 мебошад. Сатҳи ошкоркунии ҷиноятҳо 92,8%-ро ташкил медиҳад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
