Дар минтақаи саноатии шимолу шарқи шаҳри Хуҷанд корхонаи истеҳсоли техникаи маишӣ сохта мешавад.
Бино ба иттилои хадамоти матбуоти раиси вилояти Суғд, бо рафти корҳои сохтмон дар ин корхона, ки истеҳсоли телевизор ва яхдон ба роҳ монда мешавад, раиси вилоят Раҷаббой Аҳмадзода шинос шуд.
Гуфта мешавад, корхона аз ҷониби кооперативи тиҷоратии “Имрон Суғд” аз ҳисоби сармоягузории мустақим бунёд мегардад.
Ба ҷуз телевизору яхдон, дар корхона истеҳсоли кондитсионер ва дигар техникаву таҷҳизоти маишӣ низ ба нақша гирифта шудааст.
“Маҳсулот пурра дар корхона истеҳсол шуда, бо тамғаи ватанӣ ба фурӯш бароварда мешавад”, – омадааст дар хабар.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
