Панҷ собиқадори Ҷанги Бузурги Ватанӣ аз ноҳияи Бобоҷон Ғафурови вилояти Суғд бо медалҳои ҷашнии 75-солагии Ғалаба сарфароз гардонида шуданд.
Медалҳои “75-солагии Ғалаба”-ро ба собиқадорон Мирзошариф Ғафуурови 101-сола, Абулло Исмоилов ва Эшбой Умурзоқов, ҳар ду 95-сола, инчунин Аҳмадҷон Ҳобилов ва Абдуҳамид Юлдошев, ҳар ду 94-сола консули генералии Русия дар Хуҷанд Андрей Варламов ва роҳбари Маркази илму фараҳанги Русия дар Хуҷанд Иван Иванов тақдим карданд.
Медалҳоро ба хонаҳои 4 нафари онҳо, инчунин барои собиқадори панҷум ба бемористоне бурданд, ки дар он табобат мегирифт.
Бино ба маълумоти Шӯрои собиқадорони ноҳияи Бобоҷон Ғафуров, 20 ҳазор нафар аз ин ноҳия ба ҷанг даъват шуда, ҳамагӣ наздики 11 ҳазор нафари онҳо ба хонаҳояшон баргаштанд. Паҷн тан аз зодагони ноҳия – Ҳодӣ Кенҷаев, Домулло Азизов, Фатуҳулло Аҳмедов, Исмоил Ҳамзаалиев ва Раҳимбой Раҳматов ба дарёфти унвони олӣ – Қаҳрамони Иттиҳоди Шӯравӣ шарафёб гардиданд. Аҳмадчон Рӯзиев бо Ордени Шараф қадрдонӣ шуд.
Қобили зикр аст, ки имрӯз дар ноҳияи Бобоҷон Ғафуров ҳамагӣ панҷ собиқадори Ҷанги Бузурги Ватанӣ боқӣ мондаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
