Федератсияи футболи Тоҷикистон тасмим гирифт, ки бозиҳои даври панҷуми мусобиқаи Лигаи олии мамлакатро аз 16 июн оғоз кунад.
Дар ҳамин ҳол, Федератсия қарор кардааст, ки баргузории чемпионат аз се марҳила ба ду марҳила кам мешавад. Тавре дар сомонаи Федерератсия гуфта мешавад, ба ин тариқ, аз рӯйи натиҷаҳои мавсими имсола дастаҳо ҳамагӣ 18 бозӣ мегузаронанд.
Пас аз дубора барқарор шудани вохӯриҳои чемпионат онҳо бе ҳузури тамошобинони баргузор мешаванд.
Қобили зикр аст, ки дастаҳои Лигаи олии футболи Тоҷикистон аллакай аз 1 июн ба машқу тамринҳо пардохтаанд.
Баргузории бозиҳои Чемпионати Тоҷикистон оид ба футбол байни дастаҳои Лигаи олӣ охири моҳи апрел бар асари пандемияи коронавирус боздошта шуд.
То замони танаффус дастаҳо 4 бозӣ гузарониданд. “Истиқлол”-и Душанбе ва “Хатлон”-и Бохтар бо касби 10-имтиёзӣ пешсафони ҷадвал мебошанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
