Дар посух ба дархостҳои ҳукумати Тоҷикистон, аз ҷумла Президенти Тоҷикистон Эмомалӣ Раҳмон, ҳукумати Ҷопон ба Тоҷикистон дар самти пешгирӣ ва вокуниш ба COVID-19 кӯмак расонид.
Имрӯз, 19 июни соли 2020 маросими Мубодилаи Ёддоштҳо оиди "Барномаи рушди иқтисодӣ ва иҷтимоӣ" байни Сафири Фавқулода ва Мухтори Ҷопон дар Ҷумҳурии Тоҷикистон муҳтарам ҷаноби Такаюки МИЯШИТА ва Вазири корҳои хориҷии Ҷумҳурии Тоҷикистон муҳтарам ҷаноби Сироҷиддин МУҲРИДДИН баргузор гардид.
Ҳукумати Ҷопон барои татбиқи лоиҳаи мазкур ба Ҳукумати Тоҷикистон 600 миллион иенаи ҷопонӣ (тақрибан 57 миллион сомонӣ) ҷудо менамояд. Ин лоиҳа иқтидори муассисаҳои тиббии Тоҷикистонро бо таъмин намудани таҷҳизоти пешқадами тиббӣ барои ташхис ва табобати беморони дорои COVID-19 такмил хохад дод.
Таҷҳизот аз дастгоҳҳои рентгении сайёр барои беморон дар шӯъбаҳои эҳёгарӣ, дастгоҳҳои таҳлили (анализатор) газҳои хун барои чен кардани сатҳи оксиген, генератори оксиген, ҳуҷраи фишори манфӣ барои нигоҳ доштани беморони сироятшуда ва ғайра иборат мебошад. Таҷҳизоти нав ба аҳолии Тоҷикистон хидматрасонии беҳтари тиббиро бо қобилиятҳои мукаммалшудаи кормандони тибби тоҷик таъмин менамояд.
Ҳукумати Ҷопон ҳамеша афзалияти баландро ба бахши иҷтимоии Тоҷикистон дар доираи барномаи Кӯмаки Расмии Ҷопон барои Рушд медихад. Саҳми он дар ин замон як иловаи хоксорона барои тамоми кӯшишҳо дар дастгири намудани бахши ниёзманди иҷтимоӣ дар Тоҷикистон мебошад. Ҳукумати Ҷопон тасмим гирифтааст, ки дастгирии худро барои эҷоди ҷомеаи беҳтар барои тамоми мардум идома диҳад ва омода аст, ки бо мардуми Тоҷикистон якҷоя кор намояд.
Ҳамкориҳои Ҷопон ва Тоҷикистон дар бисёр самтҳо рушд мекунанд. То имрӯз, бисёр лоиҳаҳо, хусусан дар соҳаи инфрасохтор ва рушди деҳот, мунтазам татбиқ шуда истодаанд. Дар самти ҳамкориҳои иқтисодӣ, Ҷопон аз соли 1996 инҷониб ба маблағи 35,2 миллиард иен (тақрибан 330 миллион доллари ИМА) кӯмаки бебозгашт расонидааст. Бо оғози лоиҳаи дар боло зикршуда, барномаи Кӯмаки Расмии Ҷопон барои Рушд бештар суръат дода хоҳад шуд. Барои гирифтани маълумоти бештар дар бораи барномаи Кӯмаки Расмии Ҷопон лутфан ба саҳифа назар афканед https://www.mofa.go.jp/policy/oda/index.html.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
