То субҳи 10 август дар Тоҷикистон 7 ҳазору 785 ҳолати сироятёбӣ аз коронавирус ба қайд гирифта шудааст.
Бино ба маълумоти Вазорати тандурустии ҷумҳурӣ, дар рӯзи якшанбе шумори сироятёфтагон дар умум 40 нафар афзуд.
Гуфта мешавад, теъдоди умумии фавтидагон аз ин беморӣ 62 нафарро ташкил медиҳад.
Зикр мегардад, ки ҳамзамон, то ин дам дар мамлакат 6 ҳазору 5733 (84,4%) нафар аз бемории COVID-19 шифо ёфтаанд.
Аввали ҳафта вазири тандурустии ҷумҳурӣ Ҷамолиддин Абдуллозода дар ҷаласаи навбатии ситоди вазорат ба пурзӯр намудани чораҳои зиддиэпидемикӣ, дарёфт, ташхис ва муолиҷаи беморони коронавирус, пурзӯр намудани гаштҳои хонагӣ, назорати бемороне, ки дар хона табобат мегиранд ва дигар ба масъалаҳои марбут ба он дастур дод.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
