Дастаи “Истиқлол”-и Душанбе се давр пеш аз анҷоми мусобиқаи Лигаи олии футболи Тоҷикистон дар мавсими соли 2020 бори нуҳум ба дарёфти унвони чемпионӣ ноил гардид.
Бино ба иттилои Федератсияи футболи ҷумҳурӣ, “Истиқлол” қаблан солҳои 2010, 2011, 2014, 2015, 2016, 2017, 2018 ва 2019 ба ин унвон соҳиб шуда буд.
Дар даври 16-уми мусобиқа “Истиқлол” дар меҳмонӣ бозиро бо “Хатлон”-и Бохтар мусовӣ – 1:1 анҷом дода, дар вохӯрии дигар “Кӯктош”-и ноҳияи Рӯдакӣ дар майдони худ “Хуҷанд”-ро бо ҳисоби 2:1 мағлуб кард.
Ба ин тариқ, се давр пеш аз анҷоми мусобиқаи Лигаи олии футболи Тоҷикистон “Истиқлол” аз дастаи зинаи дуюм – “Хуҷанд” 12 имтиёз бештар дорад, ки унвони чемпиониро барояш таъмин мекунад. Зинаи сеюмро бо 24 имтиёз дастаи “Хатлон” ишғол мекунад.
Бозиҳои даври 17-уми мусобиқаи Лигаи олии футболи Тоҷикистон рӯзҳои 26 ва 27 сентябр баргузор мешаванд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
