Мунтахаби футболи наврасони Тоҷикистон (U-16) 21 сентябр дар бозии якуми дӯстона бо ҳамсолони худ аз Ӯзбекистон дастболо шуд.
Вохӯрӣ бо ҳисоби 1:0 ба фоидаи футболбозони тоҷик анҷом ёфта, тӯби ягонаро дар дақиқаи 38-ум Хусрав Тоиров ба самар расонид.
Рӯзи панҷшанбе, 24 сентябр мунтахабҳои наврасони Тоҷикистону Ӯзбекистон дар варзишгоҳи “20-солагии Истиқлолияти Тоҷикистон” дар шаҳри Хуҷанд бозии дуюми худро баргузор мекунанд.
Ёдрас мекунем, ки қаблан дар шаҳри Хуҷанд байни мунтахабҳои футболи ҷавонони Тоҷикистону Ӯзбекистон (U-19) бозиҳои рафиқона (0:1, 4:1) доир гардида буданд. Мунтахаби миллии футболи Тоҷикистон рӯзи 3 сентябр аз мунтахаби Ӯзбекистон бо ҳисоби 1:2 шикаст хӯрда буд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
