Дар шабакаи Telegram-и худ дар бораи эътимод ба бонкҳои Тоҷикистон назарпурсӣ гузаронидем.
Ба корбарони шабака чунин савол дода шуд: “Ба кадом бонки Тоҷикистон бештар бовар доред?” ва рӯйхати иборат аз 7 бонки тиҷоратии кишвар пешниҳод гардид. Дар назарпурсӣ зиёда аз 3,7 ҳазор нафар корбарони шабака иштирок карданд.
Зинаи аввалро дар рейтинги эътимод “Бонки Эсхата” ишғол намуд, ки ба ҷонибдории он 49% (1498 нафар) овоз доданд. Зинаи дуюмро бо 31% (1156 нафар)-и овозҳо “Алиф Бонк” касб карда, дар зинаҳои баъдӣ “Ориёнбонк” – 9% (315 нафар), “Спитамен Бонк” – 8%, “Бонки байналмилалии Тоҷикистон” – 7%, “Коммерсбонк Тоҷикистон” – 3% ва “Бонки Арванд” – 2% ҷой гирифтанд.
Қобили таваҷҷуҳ аст, ки зинаи аввалро дар рейтинги эътимод “Бонки Эсхата” ишғол намуд ва ин ҳам дар ҳолест, ки ин яогна бонки Тоҷикистон мебошад, ки дафтари асосии кориаш на дар пойтахт, балки дар шаҳри Хуҷанд воқеъ аст.
Ҷонибдории зиёди овоздиҳандагон – сеяки иштирокчиён ба “Алиф Бонк”-ро низ метавон махсус зикр кард.
Гап сари он аст, ки ин ташкилоти молиявӣ ба сифати бонк ҳамагӣ муддати қариб 9 моҳ фаъолият дорад, вале ин ба касби эътимоди мизоҷон ба ӯ монеъа нашудааст. Иҷозатномаи анҷоми амалиёти бонкиро “Алиф” аввали моҳи январи соли ҷорӣ дастрас намуда, то ин дам ба сифати ташкилоти амонатии қарзӣ кор мекард.
Эзоҳ: Бинобар сабаби маҳдудиятҳои техникии шабакаи Telegram, дар назарпурсӣ танҳо 7 бонки кишвар пешниҳод шуданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
