Генерал Миллопар Бандишозода, муовини Додситони вилояти Хатлон баъди зуҳри имрӯз баъди чанд рӯзи беморӣ, дар беморхона даргузаштааст. Ин иттилоъро як манбаъ аз додситони вилояти Хатлон ба "Азия-Плюс" таъйид кард ва гуфт, ки "мутаассифона генерал баъди чанд вақти беморӣ даргузаштанд".
Ба иттилои як манбаъ Миллопар Бандишозода бо бемории илтиҳоби шуш ва аломатҳои бемории коронавирус дар беморхона бистарӣ будааст.
Миллопар Бандишозода, генерали 61-солаи тоҷик дар мансабҳои сардори яке аз шуъбаҳои Раёсати парвандаҳои махсусан муҳими Додситони кулли Тоҷикистон, муовини аввали директори Оҷонсии зидди фасоди Тоқистон низ кор карда буд.
Бандишозода, замоне ки дар Оҷонсии зиди Фасод дар мақоми муовини аввал кор мекард, яке аз нафарони калиди дар парвандаҳои пурсарусадои Зайд Саидов, соҳибкори зиндонии тоҷик буд.
Бандишозода Миллопар соли 1959 дар водии Шохдараи ВМКБ таваллуд шуда буд. Ӯ хатмкардаи риштаи ҳуқуқшиносии Донишгоҳи миллии Тоҷикистон ва Донишгоҳи Ломаносови Маскав буд. Солҳои 1987-1991 ба сифати муфаттиши калони додситонии ноҳияи Шоҳмансур (он замон Роҳи Оҳан)-и шаҳри Душанбе, 1991-1994 муфаттиши калони парвандаҳои махсусан муҳими Додситорнии кулли Тоҷикистон, 1994-1998 муфаттиши калони парвандаҳои махсусан муҳими Додситони вилояти Суғд, 1998-2002 мувовини додситони шаҳри Конибодом, 2002-2007 додситони шаҳри Конибодом, 2007-2009 сардори Раёсати Оҷонисии зиди фасод дар вилояти Суғд, 2009-20011 муовини сардори Раёсати Оҷонсии зиди фасод дар вилояти Хатлон, 2011-2015 мувоини аввали Директори Оҷонсии зиди фасоди Тоҷикистон буд.
Соли 2004 бо медали "Хизмати шоиста" қадрдонӣ шуда буд. Оиладаор соҳиби 3 фарзанд буд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
