1 июн – дар ҷашни Рӯзи байнулмилалии ҳифзи ҳуқуқи кӯдакон ба 80 нафар кӯдакон, аз ҷумла тифлони навзод аз оилаҳои камбизоат ройгон шаҳодатномаҳои таваллуд ва дигар санадҳои расмӣ тақдим шуд.
Чорабиниии тантанавиро шуъбаи Сабти асноди ҳолати шаҳрвандӣ (САҲШ, ЗАГС)-и шаҳри Хуҷанд созмон дода, он аз ҷониби соҳибкорони маҳаллӣ дастгирӣ ёфт.
Бо ибтикори шуъбаи САҲШ-и шаҳри Хуҷанд барномаи консертӣ низ намоиш дода шуд.
Ба иттилои дафтари матбуоти шаҳрдории Хуҷанд, зимни чорабинӣ таъкид шудааст, ки чунин амалҳои хайрхоҳона дар оянда низ идома дода мешавад.
Ин рӯз дар ҳамаи муассисаҳои кӯдаконаи шаҳру навоҳии вилояти Суғд низ чорабиниҳои идона баргузор шуданд.
Чорабиниҳои асосӣ ба муносибати Рӯзи байнулмилалии ҳифзи кӯдакон дар Боғи фарҳангу истироҳати “Наврӯзгоҳ”-и шаҳри Хуҷанд доир гардид.
Дар ин ҷо бо иштироки тарбиятгирандагони муассисаҳои томактабӣ ва хонандагони мактабҳои таҳсилоти умумӣ барномаи консертӣ намоиш дода шуда, мусобиқаҳои варзишӣ ва дигар барномаҳои фароғатӣ баргузор шуданд.
Ба ғолибони намоишгоҳи ҳунармандон, “Нозири навраси ҳаракат дар роҳ”, “Ватандӯст”, озмунҳои “"Беҳтарин роҳбари маҳфил", "Рассоми беҳтарин" ва "Ихтироъкори беҳтарин" роҳхатҳо ба истироҳатгоҳҳо (лагерҳо) барои кӯдакон супурда шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
