Вазорати корҳои дохилӣ аз мавридҳои зиёди сар задани ҳолатҳои ба истилоҳ фиребгарӣ хабар додааст. Аз ҷумла торнамои ин ниҳод, субҳи имрӯз аз мавридҳои зиёди ин гуна кирдор чанд хабари кӯтоҳ нашр кардааст.
Аз ҷумла, дафтари матбуоти ВКД мегӯяд, ки як ҷавони 25-солаи ноҳияи Файзобод "бо роҳи фиреб ба боварии як марди 31-сола"-и ҳамин ноҳия даромад аз ӯ 139 ҳазор сомониро гирифта, ваъда додааст, ки аз заминҳои хоҷагии деҳқонияш қитъаи замини назди ҳавлигӣ" ҷудо мекунад, вале соҳиби пулро фиреб дода, маблағҳоро ба манфиати шахсияш истифода кардааст.
Ҳамчунин торнамои ВКД менависад, ки як зани 52-солаи ноҳияи Исмоили Сомонии шаҳри Душанбе, "бо роҳи фиреб ба боварии зани 49-солаи ҳамин ноҳия даромада" аз ӯ ҷавоҳироти гуногунеро, ки 50 ҳазор сомонӣ арзиш доштаанд гирифта, ба ваъдаи ин ки маблағро дар кӯтоҳтарин фурсат бармегардонад, вафо накардааст.
Инчунин, ба ШВКД дар ноҳияи И.Сомонӣ бо ариза зани 49-солаи сокини ноҳияи мазкур муроҷиат намудааст, ки моҳи аз моҳи феврали соли 2018 то моҳи майи соли 2020, дар хиёбони Рӯдакии ноҳияи И.Сомонӣ зани 52-солаи сокини ҳамин ноҳия бо роҳи фиреб ба бовариаш даромада аз ӯ ба маблағи 50 ҳазор сомонӣ ҷавоҳиротҳои гуногуни тиллоиро гирифта, ваъда додааст, ки дар муддати кӯтоҳ маблағашро бармегардонад, аммо то ҳол маблағашро барнагардонидааст.
Бино ба навиштаи торнамои ин ниҳод, як шаҳрванди Ҷумҳурии Исломии Эронро, ки аз соли 2017 дар Тоҷикистон зиндагӣ мекунад, як нафар сокини душанбе, боз ҳам "бо роҳи фиреб ба бовариша даромада аз ӯ 1 адад автомашинаи тамғаи “Тайота”-ро ба маблағи 4 ҳазору 500-доллари амрикои нархгузори карда гирифта, 600-доллари амрикоиашро дода, боқимонда 3 ҳазору 900-доллари амрикоиро то ҳол барнагардонидааст. Инчунин соли 2011, аз ӯ 25 ҳазор доллари амрикоиро гирифта, то ҳол маблағҳои гирифтаашро барнагардонидааст"
Ҳамчунин ба ҳамин шева як марди 43-солаи сокини ҷамоати деҳоти Сомони шаҳри Ҳисорро як марди 32-солаи сокини ҷамоати деҳоти Зайнабободи ноҳияи Рӯдакӣ, "бо роҳи фиреб ба бовариаш даромада, аз ӯ 57 ҳазор сомониро гирифта, ваъда додааст, ки дар муддати кутоҳ бармегардонад, аммо маблағҳои гирифтаашро ба манфиати шахсиаш сарф намудааст".
ВКД аз боз шудани парванда дар мавриди ин кирдорҳо чизе нагуфтааст, танҳо хабар додааст, ки "аз рӯи ҳодисаҳои мазкур тафтишот идома дорад".
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
