Имрӯз дар “Боғи Ирам” (Боғи ботаникӣ)-и пойтахт Фестивали хӯрокҳои миллии кишварҳои узви Созмони ҳамкории Шанхай (СҲШ) доир мегардад.
Фестивали таомҳои миллӣ бо ташабббуси Кумитаи рушди сайёҳии Тоҷикистон дар ҳамдастӣ бо шаҳрдории Душанбе гузаронида мешавад.
Аз Фестивали хӯрокҳои миллии давлатҳои аъзои СҲШ роҳбарони мақомоти сайёҳии давлатҳои аъзои СҲШ ва сокинону меҳмонони пойтахт боздид менамоянд, хабар медиҳад АМИТ “Ховар”.
Гуфта мешавад, фестивал дар доираи баргузории вохӯрии роҳбарони мақомоти сайёҳии кишварҳои узви Созмон доир гардида, ҳадаф аз баргузории он – муаррифии анъана ва урфу одатҳои давлатҳои аъзои ин созмони бонуфуз, аз ҷумла, таому хӯришҳои миллии тоҷикӣ ба ҷаҳониён ва таҳкими ҳамкории сайёҳӣ мебошад.
Дар доираи ин чорабинӣ ба нақша гирифта шудааст, ки ошпазҳо беҳтарин ва писандидатарин хӯрокҳои миллии кишварҳои узви СҲШ-ро тайёр мекунанд.
Айни замон 8 кишвар – Русия, Чин, Ҳиндустон, Қазоқистон, Қирғизистон, Покистон, Тоҷикистон ва Ӯзбекистон узви СҲШ мебошанд. Чор давлат – Беларус, Афғонистон, Эрон ва Муғулистон мақоми нозирро доранд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
