Саҷҷод Нуристонӣ, корманди дастгоҳи ҳукумати Ашраф Ғанӣ аз Кобул ба "Азия-Плюс" хабар дод, ки Ашраф Ғанӣ аз мақоми раёсатҷумҳурии Афғонистон истеъфо дод ва ба Тоҷикистон рафт.
Ба гуфти Нуристонӣ, ҳамроҳ бо Ашраф Ғанӣ, Ҳамдуллоҳ Муҳиб мушовири амнияти милии ӯ ва Фазлмаҳмуд Фазлӣ раиси идораи умур ё дастгоҳи иҷроияи Ғанӣ низ ба Тоҷикистон рафтанд.
Ба гуфтаи Нуристонӣ, Ғанӣ аввал ба Тоҷикистон ва аз он ҷо ба кишвари сеюм рафт, ки ҳоло маълум нест кадом кишвар аст.
Ҳоло таъйиди расмии ин хабар дар Тоҷикистон барои "Азия-Плюс" муяссар нашудааст.
Абдуллоҳ Абдуллоҳ, бо нашри як видео дар саҳфаи фейсбукаш фирори Ашраф Ғаниро таъйид кард ва аз ӯ ба унвони "раисҷумҳури собиқи Афғонистон" ном бурд.
Аммо Абдуллоҳ нагуфт, ки Ғанӣ ба кадом кишвар рафтааст, танҳо гуфт, ки "Худованд бо ҳамроҳаш муҳосиба (ҳисобу китоб) мекунад".
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
