Рӯзҳои 11-12 сентябри соли ҷорӣ аксари минтақаҳои Тоҷикистонро чангу ғубор фаро мегирад. Ғайр аз ин, суръати вазидани шамол то 15-20 м/сония мерасад, хабар медиҳад Агентии обуҳавошиносии ҷумҳурӣ.
Чангбоде, ки аз самти ҷанубу ғарбӣ ва ғарбӣ ба кишвар ворид мегардад, вилояти Хатлон, хусусан шаҳру ноҳияҳои Бохтар, Кӯлоб, Норак, Данғара, Ёвон, Восеъ, Панҷ, Фархор, Дустӣ ва шаҳру ноҳияҳои тобеи марказ: Душанбе, Ваҳдат, Ҳисор, Турсунзода ва Рӯдакиро фаро мегирад.
Гуфта мешавад, бо сабабҳои омилҳои метеорологӣ баланд шудани ҳолати ифлосшавии ҳавои атмосфера аз моддаҳои муаллақ (чанг) ва зарачаҳои андозаашон 10мкр (Рм-10), Рм-2,5 (заррачаҳои андозаашон 2,5мкр) дар назар аст.
Агентӣ ба шаҳрвандон тавсия медиҳад, ки аз сайругашти бисёри рӯзона дар хиёбонҳо, кӯчаҳо, хусусан дар наздикии роҳҳои сернақлиёт, минтақаҳои камшамол, инчунин корҳои саҳроӣ, сохтмонӣ ва сафар намудан худдорӣ намоянд.
Таъкид мешавад, ки шароити мазкур ба кӯдакон, пиронсолон, занҳои ҳомила, беморони диққи нафас ва қалб таъсири манфӣ дорад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
