Ҷумҳурии Беларус ба сифати кумаки башардӯстона ба Тоҷикистон генераторҳои барқӣ, хайма, маҳсулоти хӯрокворӣ ва маводи тиббӣ фиристод.
Тавре маркази матбуоти Кумитаи ҳолатҳои фавқулодаи ҷумҳурӣ хабар медиҳад, вазни умумии кумаки башардӯстона 40 тоннаро ташкил медиҳад.
Кумаки башардӯстонаро ҳайати Вазорати ҳолатҳои фавқулодаи Беларус бо роҳбарии муовини аввали вазири ин ниҳод Александр Худолеев ба Тоҷикистон овард.
Ба иттилои манбаъ, кумаки башардӯстона ба фурудгоҳи низомии “Айнӣ” интиқол дода шудааст.
Гуфта мешавад, кумак барои аҳолии Тоҷикистон пешбинӣ гардида, лекин ҳоло маълум нест, ки маҳз ба куҷо равона мешавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
