Додситонии куллии Тоҷикистон аз маҳкум шудани ду сокини ноҳияи Дӯстии вилояти Хатлон Шомурод Саидкулиев ва писараш Мақсад Саидкулиев бо гумони ба худкушӣ расонидани Нурсултон Ҷумъаева сунҳор (келин)-и аввалӣ ва ҳамсари дувумӣ бар асоси моддаи 109 қисми 2 кодекси ҷиноятӣ хабар медиҳад. Аммо додситонӣ дар мавридb барои чанд сол маҳкум шудани Саиlкулиевҳо иттилоъ намедиҳад.
Парвандаи ин ду сокини ноҳияи Дӯстиро додситонии ин ноҳия тафтиш кардаву ба мақомоти додгоҳӣ ирсол кардааст.
Бино ба иттилои додситонӣ, дар рафти тафтишоти пешакӣ ва баррасии додгоҳӣ муайян шудааст, ки Мақсад Саидкулиев моҳи феврали соли 2019 бо тариқи расму оини мусулмонӣ бо шаҳрванд Нурсултан Джумаева сокини ҳамин ноҳия оила барпо намудааст “ва нисбат ба ҳамсари худ муомилаи бераҳмона ва пастзании мунтазами шаъну эътибор раво дида, нисбаташ суханони қабеҳ ва дашному ҳақорат намуда, беасос номбурдаро мавриди лату кӯб қарор медодааст”.
Дафтари матбуоти Додситонии кулл дар баробари шавҳари Ҷумъаева, падарарӯсашро ба он муттаҳам медонад, ки дар рӯзҳои гарму офтобӣ сунҳорашро ба корҳои саҳрой бидуни истироҳат ҷалб менамудааст.
«Дар натиҷаи ин муносибати мунтазами бераҳмонаи падар ва писар 3-маротиб ҳомиладории Джумаева Н.Р. қатъ гардидааст»,-омадааст дар хабарномаи додситонӣ.
Гуфта мешавад, ки Ҷумъаева баъди раво дидани ин гуна мунсоибат роҳи ягонаи халосиро дар худкушӣ дидааст.
«Номбурда 08 майи соли 2021 бо мақсади худкушӣ намудан ба хонаи падараш Джумаев Р.Г. суроғаи ноҳияи Дӯстӣ, Ҷамоати деҳоти Деҳқонобод, деҳаи Деҳқонобод омада, аз набудани аҳли хонаводаашон ва аз фурсати барояш муносиб истифода бурда, дар равчӯби болои боми манзили истиқоматии волидайнаш худро бо руймоли сараш овехта, ба ҳалокат расонидааст»,-хабар медиҳад хабар медиҳад, додситонӣ.
Ҳарчанд дар хзабарномаи додситонӣ барои чанд сол маҳкум шудани ин ду сокини ноҳияи Дӯстӣ оварда нашудааст, вале қисми 2-и моддаи 109-и Кодекси ҷиноятии ҶТ аз 5 то 8 сол маҳрум кардан аз озодиро пешбинӣ мекунад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
