Дар шоҳроҳи мошингарди Душанбе-Чанок 14 ҳодисаи фаромадани тарма ба қайд гирифта шуда, ҳаракати воситаҳои нақлиёт тариқи он боздошта шуд, хабар доданд ба “Азия-Плюс” аз филиали IRS, ки корҳои хидматгузории ин роҳро ба уҳда дорад.
Ба иттилои манбаъ, айни замон роҳ муваққатан баста шуда, аз барф тоза ва бо маводи зиддилағжиш коркард мешавад.
ИЗОБРАЖЕНИЕ
Дар ширкат зикр карданд, ки тармаи бузургтарин дар километри 65-уми роҳ фаромадааст, ки зиёда аз 15 метр баландӣ ва ҳудуди 300 метр паҳноӣ дорад.
“Аз ин рӯ, дар мувофиқа бо кормандони Бозрасии давлатии автомобилии ВКД Тоҷикистон тасмим гирифта шуд, ки ҳаракати воситаҳои нақлиёт то бартараф намудани оқибатҳои тармафароиҳо қатъ карда шавад”, – гуфтанд дар ширкат.
Дар IRS ҳамчунин хабар доданд, ки пас аз тозакунии қитъаи роҳи аз 62 то 72-ум километр, 25 автомашинаи дар ин қитъа дармонда ба Душанбе раҳсипор шуданд.
ИЗОБРАЖЕНИЕ
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
