Бозии даври 1-уми мусобиқоти марҳилаи интихобии Ҷоми футболи Осиё байни ҷавонон (U-20) миёни тимҳои мунтахаби Тоҷикистон ва Сингапур мусовӣ – 0:0 анҷом ёфт.
Тавре ки Федератсияи футболи Тоҷикистон хабар медиҳад, бозӣ бо бартарияти пурраи футболбозони тоҷик сурат гирифта, лекин муяясар нашуд, ки ба дарвозаи ҳарифон тӯб ворид кунанд. Дар дақиқаи 62-юми бозӣ футболбозони тоҷик зарбаи 11-метраро низ ба ҳадаф расонида натавонистанд.
Гуфта мешавад, дар бозии дигари гурӯҳи «I» футболбозони ҷавони Лубнон тими Қамбоҷаро бо ҳисоби 1:0 мағлуб карданд.
Ду бозии боқимондаи дастаи Тоҷикистон рӯзҳои 16 сентябр бо Лубнон ва 18 сентябр – бо Камбоҷа доир мегардад.
Ёдрас мекунем, ки ҳамаи бозиҳои мусобиқоти марҳилаи интихобии Ҷоми футболи Осиё (U-20) дар гурӯҳи «I» дар Варзишгоҳи марказии Душанбе баргузор мешаванд.
Аз рӯи натиҷаҳои мусобиқот ғолибони даҳ гурӯҳи интихобӣ ва панҷ дастаи беҳтарин, ки ҷойҳои дуюмро мегиранд, ба марҳилаи ниҳоии Ҷоми Осиё-2023 миёни ҷавонон, ки аз 1-ум то 18-уми марти соли оянда дар Ӯзбекистон доир мешавад, роҳ меёбанд.
Мавқеи дастаҳо дар ҷадвал пас аз 1 давр:
Бозиҳои боқимонда дар гурӯҳ:
Даври 2-юм
16 сентябр (ҷумъа)
17:00 – Сингапур – Камбоҷа
20:00 – Лубнон – ТОҶИКИСТОН
Даври 3-юм
18 сентябр (якшанбе)
17:00 – Лубнон – Сингапур
20:00 – ТОҶИКИСТОН – Камбоҷа
