Дирӯз, 31 октябр, Эмомалӣ Раҳмон, Президенти Тоҷикистон ба Луис Инасиу Лула да Силва, Президенти тозаинтихоби Бразилия барқияи табрикӣ ирсол намуд.
"Ба Шумо сиҳатмандии комилу дар иҷрои ваколатҳои сермасъулатон комёбиҳо, ба мардуми дӯсти Бразилия сулҳу субот ва рифоҳу шукуфоии рӯзафзун орзумандам",-зикр мешавад дар барқия.
Дар идома гуфта мешавад, ки Тоҷикистон алоқаманди таҳкиму тавсеаи минбаъдаи муносибатҳои дӯстӣ ва ҳамкориҳои судманд бо Бразилия дар ҳама арсаҳои мавриди таваҷҷуҳи тарафайн мебошад.
"Итминон дорам, ки робитаҳои созандаи миёни кишварҳои мо мутобиқ ба манфиатҳои аслии ҳар ду ҷониб дар оянда низ идома ёфта, рушд хоҳанд намуд",- омадааст дар поёни барқия.
