Дар шохиси ҷаҳонии гуруснагӣ дар соли 2022, Тоҷикистон дар байни 121 кишвари ҷаҳон дар ҷои 67 -ум қарор гирифтааст ва мизони гуруснагии кишвари мо “мӯътадил” гуфта мешавад. Ин маълумот дар сомонаи расмии Global Hunger Index оварда шудааст.
Ба иттилои манбаъ, дар таҳқиқоте, ки Шохиси ҷаҳонии гуруснагӣ миёни 121 давлати ҷаҳон гузаронидааст, Тоҷикистон бо 13,9 хол дар раддаи 67-ум қарор гирифтааст.
Мақоми Тоҷикистон дар Шохиси ҷаҳонии гуруснагӣ зина ба зина паст шуда истодааст. Ин нишондиҳанда дар соли 2000-ум 40,3 хол, дар соли 2007-ум 32,9 хол ва дар соли 2014-ум 20,6 хол буд.
Дар раддабандии Шохиси ҷаҳонии гуруснагӣ миёни кишварҳои Осиёи Марказӣ мавқеъи аввалро Ӯзбекистон касб кардааст.
– Ӯзбекистон дар мақоми 21-ум;
– Қазоқистон дар мақоми 24-ум;
– Қирғизистон дар мақоми 40-ум;
– Туркманистон дар мақоми 49-ум.
ИЗОБРАЖЕНИЕ
Кишварҳои Беларус, Босния ва Ҳерсеговина ва Чилӣ дар садри шохиси гуруснагӣ қарор доранд.
Нишондиҳандаҳои нигаронкунанда ва аз ҳама пасти гуруснагӣ дар кишварҳои Мадагаскар, Африқои Марказӣ ва Яман мушоҳида мешавад.
Русия дар мақоми 28-ум қарор дорад.
Бояд гуфт, ки ин нишондиҳанда бо ҷамъи чор нишондиҳанда барои ҳар як кишвар муайян карда мешавад:
– фоизи аҳолӣ, ки маводи ғизоии кофӣ надоранд;
– фоизи кӯдакони лоғари то панҷсола;
– фоизи кӯдакони қадпасти то панҷсола;
– фоизи фавти кӯдакони то панҷсола;
Ёдовар мешавем, ки Шохиси ҷаҳонии гуруснагӣ дар кишварҳое, ки нишондиҳандаҳои зарурӣ дастрас нестанд, инчунин барои баъзе кишварҳо бо даромади баланд ё аҳолии кам ва ё бидуни қаламрави мустақил ҳисоб намешавад.
