Аз 15-уми сентябр то 25-уми декабри соли 2023 ҳаракати ҳама гуна воситаҳои нақлиёт дар кӯчаи А.Қаҳҳорови шаҳри Душанбе (маъруф ба роҳи Мясокомбинат) қатъ мешавад. Дар ин бора шаҳрдории Душанбе иттилоъ медиҳад.
Дар ин робита ба нақшаи хатсайрҳои мусофирбари дар ин масир фаъолияткунанда, аз қабили хатсайрҳои автобусии №№ 6, 43 ва хатсайри микроавтобусии №11 тағйирот ворид шуда, фаъолияти онҳо то ба истифода додани кӯчаи мазкур тавассути кӯчаву хиёбонҳои С.Шерозӣ, Н.Қарабоев ва Соҳилӣ ба роҳ монда мешавад.
Аз ронандагони воситаҳои нақлиёт хоҳиш мешавад, ки талаботи аломатҳои роҳро риоя намуда, аз роҳҳои ҳамшафати кӯчаи А.Қаҳҳоров истифода баранд.
ИЗОБРАЖЕНИЕ
Ёдовар мешавем, ки ин роҳ дар чаҳорчӯби тарҳе бозсозӣ мешавад, ки 13-уми марти соли ҷорӣ оғоз гардида буд. Дарозии тин роҳ 6,6 километр буда, аз хиёбони С.Шерозӣ то даромадгоҳи ноҳияи Рӯдакиро фаро хоҳад гирифт.
Баъди азнавсозӣ роҳ ҳаштқатора шуда, дар барои ҳаракати нақлиёти ҷамъиятӣ қитъаҳои алоҳида ҷудо карда мешавад.
Дар оянда ҳамчунин бунёди роҳ аз кӯчаи А.Қаҳҳоров то дарвозаи Шарқӣ бо дарозии 11,2 км ва роҳ аз маҳаллаи Чортут то маҳаллаи Чиртаки шаҳри Ваҳдат бо дарозии қариб 40 километр дар назар аст.
