Пагоҳ, 19-уми сентябр, дар Варзишгоҳи марказии ҷумҳуриявӣ бозии даври аввали марҳилаи гурӯҳии Лигаи қаҳрамонҳои Осиё-2023/24 байни дастаҳои “Истиқлол” (Тоҷикистон) ва “Ал-Дуҳайл” (Қатар) баргузор мешавад. Бозӣ соати 21:00 оғоз мегардад.
Тибқи натиҷаи қуръакашии марҳилаи гурӯҳии Лигаи қаҳрамонҳои Осиё-2023/24, қаҳрамони Тоҷикистон “Истиқлол”-и Душанбе ба гурӯҳи “Е” шомил аст.
Рақибони дастаи пойтахт дар гурӯҳ “Персеполис” (Эрон), “Ал-Дуҳайл” (Қатар) ва “Ан-Наср” (Арабистони Саудӣ) мебошанд.
Ёдовар мешавем, ки дар Лигаи қаҳрамонҳои Осиёи қаблӣ дастаи “Истиқлол”-и Тоҷикистон дар даври севум аз бошгоҳи “Ал-Ҳилол”-и Арабистони Саудӣ бо ҳисоби 0:1 ноком гардида буд.
Қайд кардан ба маврид аст, ки Қаҳрамони кунунии Лигаи қаҳрамонҳои Осиё дастаи “Урава Ред Даймонс”-и Япония мебошад.
