Пагоҳ, 16-уми ноябр, соати 18:00, тими миллии футболи Тоҷикистон бо дастаи мунтахаби Урдун дар Варзишгоҳи марказии ҷумҳуриявии шаҳри Душанбе рақобат мекунад. Дар ин бора Федератсияи футболи Тоҷикистон иттилоъ медиҳад.
Бозии мазкур дар доираи марҳилаи интихобии Ҷоми ҷаҳон оид ба футбол 2026 баргузор мешавад. Ин нахустин бозӣ дар марҳилаи интихобии Ҷоми ҷаҳонии футбол-2026 дар гурӯҳи G мебошад.
Дар ин рақобат дастаи мунтахаби Тоҷикстон бо либоси сафед ва тими Урдун бо либоси сурх вориди майдон мешаванд.
Гуфта мешавад, ки то имрӯз беш аз 10 ҳазор чиптаи ин бозиро мухлисон харидорӣ намудаанд. Федератсияи футболи Тоҷикистон аз мухлисон хостааст, чипатаҳоро аз хазинаи Варзишгоҳи марказии Душанбе дастрас кунанд. Нархи он аз 20 сомонӣ сар мешавад.
ИЗОБРАЖЕНИЕ
Бояд гуфт, дар гуруҳи G-и марҳилаи интихобии Ҷоми ҷаҳонии футбол-2026 якҷо бо Тоҷикистон ва Урдун, ҳамчунин тимҳои миллии Арабистони Саудӣ ва Покистон рақобат хоҳанд кард.
Бозии навбатии дастаи мунтахаби Тоҷикистон бо тими миллии Покистон 21-уми ноябр дар шаҳри Исломобод баргузор мешавад.
