Додгоҳе дар шаҳри Тошканди Ӯзбекистон рӯзи 29-уми ноябр соҳиби як қаҳвахонаро бо кормандонаш барои “тарғиби табйизи ҷинсӣ" ҷарима баст.
Ба навиштаи centralasian.org рӯзноманигор Инобат Ахатова рӯзи 18 ноябр дар шабакаҳои иҷтимоӣ навишт, ки вай бо дугонаҳояш натавонистааст, шом вориди қаҳвахонаи Sahil Street Food (Sahil Truck) шавад. Рӯзноманигор нақл кард, кормандони қаҳвахона ба вай гуфтааст, баъди соати 22:30 дақиқа ба занҳо ворид шудан ба қаҳвахонаи мазкур манъ аст.
Ахатова дар ин маврид ба мақомоти Узбекистон шикоят кардааст. Дар натиҷаи шикояти вай додгоҳ рӯзи 29 ноябр соҳиби қаҳвахонаи Sahil Street Food-ро ҷарима бастааст.
Бояд зикр кард, ки қаблан расонаҳои Ӯзбекистон хабар дода буданд, ки кормандони мақомот аз соҳибони тарабхонаҳову ошхонаҳои Тошканд хостаанд, фурӯш ва истеъмоли шаробро иҷоҳза диҳанд. Ҳатто барои иҷрои ин амри ғайрирасмӣ, дари чанд ошхонаву тарабхонаро бастаанд.
