Раиси вилояти Суғд Раҷаббой Аҳмадзода дар шаҳри Москва бо президенти Палатаи савдо ва саноати Русия Сергей Катирин мулоқот кард.
Дар ин бора Хадамоти матбуоти раиси вилояти Суғд иттилоъ медиҳад.
Ба гуфтаи манбаъ, ҷонибҳо зимни вохӯрӣ дурнамои ҳамкорӣ дар бахшҳои гуногун, аз ҷумла саноату кишоварзиро мавриди баррасӣ қарор доданд.
"Вилояти Суғд дорои имконияти зиёд буда, метавонад дар бахшҳои гуногун, аз ҷумла саноату кишоварзӣ бо сармоягузорони рус ҳамкории судманд тавсеа бахшад", – гуфтааст Аҳмадзода.
Сергей Катирин таҳкими равобити иқтисодиро ба манфиати ҷонибҳо номида, илова кард, ки ташкили намоиши маҳсулоти истеҳсоли Тоҷикистон ва муарифии имконияти мавҷуда барои шиносоии бештари сармоягузорон ва ҷалби онҳо ба амалисозии лоиҳаҳои муҳим мусоидат менамояд.
Ёдовар мешавем, ки 5-уми декабр дар Палатаи савдо ва саноати Русия намоиши маҳсулоти истеҳсоли Тоҷикистон ва муаррифии имконияти вилояти Суғд баргузор гардид.
