Зиёдулло Салимзода, муовини раиси Кумитаи рушди сайёҳии назди Ҳукумати Ҷумҳурии Тоҷикистон дар мулоқоти худ бо Нодир Алпаслон, муовини вазири фарҳанг ва сайёҳии Ҷумҳурии Туркия масоили ҳамкории сайёҳии Тоҷикистону Туркияро баррасӣ карда, рушди самтҳои гуногун сайёҳӣ ва афзоиши теъдоди сайёҳони тоҷику туркро муҳим арзёбӣ кардаанд.
Ин мулоқот 6-уми феврал дар шаҳри Истанбули Туркия, дар доираи Ҷаласаи 3-юми Комиссияи муштараки техникӣ оид ба ҳамкориҳои сайёҳӣ байни Тоҷикистону Туркия баргузор гардидааст.
Ҳамзамон дар ҳошияи сафари мазкур ҳайати Тоҷикистон ба Агентии муаррифӣ ва рушди сайёҳӣ (TGA), Ассотсиатсияи ширкатҳои сайёҳӣ ва дигар сохторҳои давлатию тиҷоратии соҳаи сайёҳии Туркия ташриф намуда, бо роҳбарияти он мулоқот кардаанд.
