Ҳаракати мошинҳо дар роҳи кӯчаи Шамсии ноҳияи Синои пойтахт тақрибан се моҳ баста мешавад. Дар ин бора шаҳрдории Душанбе бо нашри як қарори дахлдори шаҳрдори пойтахт Рустами Эмомалӣ хабар дод.
Ба гуфтаи шаҳрдорӣ, ин роҳ бо сабаби таъмир баста мешавад.
“Дар кӯчаи Шамсӣ (аз хиёбони Б.Ғафуров то хиёбони А.Сино) аз 29 майи соли 2024 то 20 августи соли 2024 ҳаракати ҳамагуна воситаҳои нақлиёти автомобилӣ, муваққатан қатъ карда шавад”, – омадааст дар қарори шаҳрдор.
Дар асоси қарор Раёсати Вазорати корҳои дохилии Тоҷикистон дар шаҳри Душанбе ва Раёсати хадамоти давлатии назорат ва танзим дар соҳаи нақлиёт дар шаҳри Душанбе масъул шудаанд, ки самти ҳаракати нақлиёти автомобилиро, ки дар кӯчаи Шамсӣ мегузарад, ба воситаи кӯчаҳои ҳамшафат муайян намоянд.
“Маркази татбиқи лоиҳаҳои таҷдиди роҳҳои Вазорати нақлиёти Тоҷикистон, барои танзими алоқаи мунтазами нақлиётӣ дар қитъаи роҳи иншооти мазкур, инчунин бе монеа даромадани воситаҳои нақлиёти ёрии таъҷилии тиббӣ, милитсия ва хадамоти оташнишонӣ ба минтақаҳои атрофи иншооти сохташаванда чораҳои зарурӣ андешад”, – омадааст дар қарор.
ИЗОБРАЖЕНИЕ
Назорати иҷрои қарори мазкур ба зиммаи муовини якум ва муовини шаҳрдори Душанбе гузошта шудааст.
