Дар роҳи мошингарди “Душанбе-Чанок” аз 1 июн то 31 август аз соати 10:00 то 19:00 барои ҳаракати нақлиёти гаронвазн маҳдудият ҷорӣ шуд. Дар ин бора филиали ширкати IRS хабар медиҳад.
Ба иттилои манбаъ, ин маҳдудият ба воситаҳои нақлиёти гаронвазн дахл дошта, ба ҳар як тири пешбаранда на зиёда аз 6 тонна пешбинӣ шудааст.
Гуфта мешавад, ин тадбир бинобар аз ҷониби баъзе ронандагон риоя нагардидани талаботи мавҷуда, ки ба ҳамлу нақли бор тавассути мошинҳои гаронвазн дахл дошта, зарурати таъмири куллии аксар минтақаҳои роҳи Душанбе-Чаноқ ба миён омад, роҳандозӣ мешавад.
“Икдоми мазкур баҳри эмин нигоҳ доштани роҳ аз вайроншавии пеш аз муҳлат ва таъмини бехатарии мусофирону ронандагон ва воситаҳои нақлиёт ҷорӣ мешавад”, – зикр мегардад дар хабари ширкат.
Зимнан зикр мегардад, ки соли ҷорӣ барои таъмири роҳи мазкур зиёда аз 30 ҳазор тонна асфалт истифода хоҳад шуд.
