Дар мусобиқаи байналмилалии куштигирӣ барои дарёфти “Ҷоми раиси шаҳри Душанбе” Тоҷикистонро 20 варзишгар, аз ҷумла Комроншоҳ Устпороиён, ҷудокори шинохтаи тоҷик, ки қаблан гуфта буд, ба корномаи варзишии худ хотима медиҳад, муаррифӣ мекунанд.
Номи ин паҳлавон дар рӯйхати онҳое, ки Тоҷикистонро муаррифӣ мекунанд, дида мешавад. Ӯ дар вазни то 95 кг баромад хоҳад кард.
Қаблан, ин паҳлавони шинохтаи тоҷик пас аз шикаст дар бозиҳои олимпии "Порис-2024" эълон карда буд, ки ба корномаи варзишии худ хотима медиҳад. Ӯ аз номдортарин ҷудокорони тоҷик аст, ки аз даҳҳо мусобиқаҳои ҷаҳонӣ барои Тоҷикистон медал овардааст.
Дар маҷмуъ, дар ин мусобиқот Тоҷикистонро 18 варзишгар, аз ҷумла 3 зан муаррифӣ мекунанд. Ин мусобиқа рӯзи 26-уми апрел дар ар Қасри тенниси шафати Варзишгоҳи марказии шаҳри Душанбе баргузор мегардад.
Мунтахаби Тоҷикистон дар барои дарёфти ҷоми шаҳрдори Душанбе ба таври зайл аст:
Мардон:
– Муллораҷаб Халифаев, Суҳроб Боқиев, Муслимбек Каримов ва Сарвар Абдушукуров дар вазни то 65 кг;
– Маҳмадшариф Наҷмиддинов, Раҳматуллобек Фарҳодов, Қоим Шукронов ва Абубакр Боқиев дар вазни то 78 кг;
– Комроншоҳ Устопириён, Исроил Раҳимов , Улуғбек Раҳимов ва Муҷиб Меҳробҷонзода дар вазни то 95 кг;
ИЗОБРАЖЕНИЕ
– Шакармамад Мирмамадов, Шариф Назриев, Фирдавс Насимов ва Дадахон Қурбоналлиев дар вазни ҷамъи 95 кг.
Занон:
– Ҷонона Назарова, Шоҳида Қаландарова ва Фазилат Гулбоева дар вазни то 70 кг.
Бояд гуфт, ки дар ин мусобиқот ҳамчунин, варзишгарон аз 25 кишвар – Ӯзбекистон, Қазоқистон, Қирғизистон, Озарбойҷон, Русия, Эрон, Ҳиндустон, Арманистон, Бангладеш, Белорусия, Булғористон, Олмон, Юнон, Миср, Молдова ва дигар давлатҳо ширкат мекунанд.
Ҷоизаи умумии мусобиқа 110 ҳазор доллар мебошад. Ғолибони мақоми аввал бо мукофотпулӣ дар ҳаҷми 10 ҳазор доллар, ҷойи дуюм 5 ҳазор доллар ва мақомҳои сеюм 2 ҳазору 500 доллар қадрдонӣ мешаванд.
Гуфта мешавад, ки мусобиқа бо мақсади ташвиқу тарғиб ва рушди варзиш, тарғиби солимгардонӣ миёни сокинони пойтахт баргузор мешавад.
