Дар шаҳри Аҳмадободи Ҳиндустон як ҳавопаймои ширкати ҳавопаймоии "Air India", ки ҳомили 242 мусофир буд, суқут кардааст. Дар ҳавопаймо 230 мусофир ва 12 сарнишину хидматрасон будаанд.
Тибқи иттилои расонаҳои маҳаллӣ, ҳавопаймо рӯзи 12-уми июн аз шаҳри Аҳмадободи Ҳиндустон ба шаҳри Лондони Британияи Кабар парвоз мекард. Вале пас аз чанд лаҳзаи парвоз дар як маҳалли истиқоматӣ суқут кардааст.
Тибқи иттилои охирин, дасти кам 110 мусофири он дар ин ҳодиса ҷон бохтаанд. Тақдир мусофирони дигар ва сарнишинони ҳавопаймо маълум нест.
Сабаби суқути ҳавопаймо то кунун маълум нест. Мақомоти ин кишвар гуфтаанд, ки хадамоти ёрии таъҷилӣ ва оташнишонӣ дар ҷои ҳодиса ҳастанд.
"Air India" дар саҳифааш дар "Х" навиштааст, ки ки дар ҳавопаймо 169 шаҳрванди Ҳиндустон, 53 шаҳрванди Бритониё, як шаҳрванди Канада ва ҳафт шаҳрванди Португалия буданд.
ИЗОБРАЖЕНИЕ
Дар наворҳое, ки баъди суқути ҳавопаймо дар расонаҳо ва шабкаҳои иҷтимоӣ нашр шуд, дида мешавад, ки баробари ба замин афтодани ҳавопаймо аз маҳалли ҳодиса ба осмон оташ намоён мешавад.
Бори аввал нест, ки як ҳавопаймои мусофиркашонӣ суқут мекунад. Моҳи декабри соли гузашта, як ҳавопаймои масофирбари ширкати “Azerbaijan Airlines"-и Озарбойҷон, ки бо 67 мусофир ва ҳайати сарнишин аз Боку ба шаҳри Грознийи Чеченистон парвоз мекард, дар наздикии фурудгоҳи минтақаи Оқтауи ҷануби Қазоқистон суқут кард. Дар пайи ин ҳодиса тақрибан 40 мусофиру сарнишин ҷон доданд.
