Дар асоси Фармони Президенти Ҷумҳурии Тоҷикистон №586 аз 22 июни соли 2023 “Дар бораи тадбирҳо ҷиҳати густариши ҳисоббаробаркуниҳои ғайринақдӣ”, ҶСП “Душанбе Сити Бонк” ҳамчун яке аз пешсафон дар соҳаи технологияҳои молиявии рақамӣ, фаъолона воситаҳои ҳисоббаробаркунии ғайринақдиро татбиқ менамояд.
Дар Вилояти Мухтори Кӯҳистони Бадахшон дастрасӣ ба хизматрасониҳои молиявӣ тадриҷан рушд мекунад. Душанбе Сити Бонк нақша дорад, ки дар наздиктарин вақт марказҳои нави хизматрасонии бонкиро дар ноҳияҳои Мурғоб, Ванҷ ва Ишкошим кушояд.
Барои сокинони минтақа ин на танҳо имконияти пардохти хизматрасониҳо бе навбат ва бе истифодаи пули нақд аст, балки як қатор афзалиятҳои дигарро низ фароҳам меорад:
– амнияти баланд ҳангоми иҷрои интиқолҳои онлайн ва нигоҳдории маблағҳо;
– дастрасӣ ба тамоми воситаҳои муосири бонкӣ ва хизматрасониҳои электронии бонк;
– имкониятҳои нав барои соҳибкорони маҳаллӣ: онҳо метавонанд пардохтҳои ғайринақдиро қабул кунанд, қарз гиранд ва воситаҳои молиявиро тавассути барномаи мобилӣ идора намоянд;
– шаффофият, ки банақшагирии молиявиро осон мекунад.
Душанбе Сити Бонк — бонки муосиру инноватсиониест, ки ба мизоҷони худ доираи васеи воситаҳои идоракунии молияро пешниҳод менамояд. Аз ҷумла, барномаи электронӣ DC Next ва хизматрасониҳои махсус барои тиҷорат, ки имкониятҳои навро ҳам барои шахсони воқеӣ ва ҳам соҳибкорон фароҳам меоранд.
Ҳамёни электронии DC Next имкон медиҳад, ки садҳо амалиёт дар чанд сония анҷом дода шаванд — аз пардохти андозу боҷҳои гумрукӣ ва хизматрасониҳои коммуналӣ то интиқоли маблағ ва харидҳо.
Тавассути он мизоҷон метавонанд:
– кортҳои виртуалӣ (масалан, Visa Virtual) кушоянд ва онҳоро барои харидҳои интернетӣ истифода баранд;
– кортҳои дебетию қарзиро идора намоянд, амалиётро назорат кунанд, пасандоз кушоянд ва қарз гиранд;
– молу хизматрасониҳоро тавассути QR-рамз пардохт намоянд, ки ин дар мағозаву нақлиёт хеле қулай аст.
Душанбе Сити Бонк самти хизматрасониҳои тиҷоратиро, ки барои соҳибкории хурду миёна аҳамияти калон дорад, фаъолона рушд медиҳад. Бонк имконияти пайвастшавӣ ба эквайринг, насби POS-терминалҳо ва истифодаи QR-рамзи ягонаро барои қабули пардохтҳои ғайринақдӣ фароҳам меорад. Ҳамаи ин барасмиятдарории гардишҳои молиявӣ, боз ҳам қулайтар кардани хизматрасониҳо барои мизоҷон ва тезонидани амалиётҳои молиявиро таъмин менамояд.
Ин раванд пурра ба ҳадафҳои Фармони президентӣ №586, ки таъмини дастрасии баробар ба хизматрасониҳои бонкӣ, боло бардоштани саводнокии молиявии аҳолӣ ва таъсиси экосистемаи рақамии ягона барои тамоми кишварро муқаррар мекунад, мувофиқ аст.
