Департаменти давлатии Амрико барои пешниҳоди иттилоъ дар бораи Муҷтабо Хоманаӣ, раҳбари олии Эрон ва чанде аз мақомдорони баландпояи ин кишвар то 10 миллион доллар ҷоиза таъин кардааст.
Дар феҳристе, ки ин ниҳод рӯзи 13-уми март нашр кардааст, 10 мақомдори Эрон зикр шудааст. Алии Лориҷонӣ, дабири Шӯрои амнияти миллӣ, Искандар Муъминӣ, вазири корҳои дохилӣ, Исмоил Хатиб, вазири иттилоот ва Яҳё Раҳим Сафавӣ, мушовири низомии раҳбари собиқи Эрон аз ҷумлаи шахсоне ҳастанд, ки ҳамроҳ бо Муҷтабо Хоманаӣ дар рӯйхати мазкур номашон ҷой дорад.
Ин ниҳод гуфтааст, агар касе дар бораи макон ё фаъолияти ин мақомдорон ё дигар фармондеҳони аслии Сипоҳи посдорони Эрон ё зерсохтҳои ин ниҳод маълумот пешниҳод кунад, то 10 милион доллар ҷоиза мегирад.
Департаменти давлатии Амрико гуфтааст, ки “ин афрод бахшҳои гуногуни Сипоҳи посдорони Эронро роҳбарӣ мекунанд”. Ин ниҳод Сипоҳро ба он муттаҳам кардааст, ки “дар саросари ҷаҳон амалҳои террористиро барномарезӣ, созмондеҳӣ ва иҷро мекунад”.
Эрон қаблан ин иттиҳомоти Амрикоро рад карда, баръакс Иёлоти Муттаҳидаро “ҳомии терроризм” ва Фармондеҳии марказии ин кишвар дар Ховари Миёнаро “гурӯҳи террористӣ” хонда буд.
Аммо ба эъломи мукофоти ахир то ҳол вокуниш накардааст.
Ҳамла ба мактаб ва куштори кӯдакон дар Миноб. Ҷинояте, ки метавонад поёни кори Доналд Трамп ва вазири ҷангаш бошад
Бояд гуфт, Муҷтабо Хоманаӣ аз замони оғози ҳамлаи Амрикову Исроил ба ин кишвар то кунун дар маҳзари он намудор нашудааст, аммо як рӯз қабл паёми катбии ӯ нашр шуд.
Чанде аз мақомдорони дигари эронӣ, аз ҷумла, Алии Лориҷонӣ ва Искандар Муъминӣ, ки ки номашон дар ин феҳрист қарор дорад, дирӯз дар раҳпаймоии Рӯзи Қудс миёни мардум буданд ва бо расонаҳо суҳбат мекарданд.
Эрон қаблан ин иттиҳомоти Амрикоро рад карда, баръакс Иёлоти Муттаҳидаро “ҳомии терроризм” ва Фармондеҳии марказии ин кишвар дар Ховари Миёнаро “гурӯҳи террористӣ” хонда буд.
Субҳи 28-уми феврали соли 2026 Амрико ва Исроил ба Эрон ҳамла карданд. Артиши Эрон дар посух ба ин ҳамлаҳо ба Исроил ва пойгоҳҳои Амрико дар кишварҳои арабӣ зарба зад. Раисҷумҳури Амрико ва сарвазири Исроил дар изҳоротҳои худ ошкоро изҳор доштанд, ки ҳадафи ҷанг сарнагунсозии низоми ҷорӣ дар Эрон аст. Ҷумҳурии Исломӣ дар посух таъкид кард, ки ба ҳар гуна таҷовуз посухи сазовор ва қотеъ хоҳад дод. Ҳоло ҳамлаҳои тарафҳо идома доранд. Вазъият печида ва ташвишовар боқӣ мемонад.
Шаби 8 ба 9-уми март Маҷлиси хубрагони Эрон, Сайид Муҷтабо Ҳусайнии Хоманаиро роҳбари нав ва муаррифӣ кард. Муҷтабо Хоманаӣ 56 сол дорад. Ӯ пас аз кушта шудани падари 86-солааш Алии Хоманаӣ дар ҳамлаҳои Амрикову Исроил, ки рӯзи 28-уми феврал иттифоқ афтод, сеюмин раҳбари олии Эрон интихоб шуд.
Дар бораи корномаи ӯ дар ин маводи “Азия-Плюс” шинос шавед: Писар ҷойгузини падар. Муҷтабо Хоманаӣ, роҳбари нави Эрон кист ва чӣ корнома дорад?
Бо охирин таҳаввулоти Эрону дигар кишварҳои Ховари Миёна, вазъи тоҷикистониҳо дар ин кишварҳо дар бахши махсуси “Азия-Плюс” огоҳ шавед: Ҳамлаи Амрикову Исроил ба Эрон.
