Душанбе. 27-уми феврал. ОИ «Азия-Плюс» – Имрӯз бо иштироки сарони кишварҳои Тоҷикистону Яман – Эмомалӣ Раҳмон ва Алӣ Абдулло Солеҳ нишасти муштараки матбуотӣ баргузор гашт. Дар он президенти Тоҷикистон Эмомалӣ Раҳмон, аз ҷумла изҳор дошт: «Дар мулоқот ва музокироти муфассалу муфид, ки дар ҷараёни сафари нахустини расмии Президенти Ҷумҳурии Яман Ҷаноби Олӣ Алӣ Абдулло Солеҳ ба Тоҷикистон дойир гардиданд, самтҳо ва арсаҳои асосии ҳамкории дуҷонибаро бори дигар – баъд аз сафари порсолаи расмии ман ба Яман – мавриди баррасӣ ва арзёбӣ қарор дода шуданд.

Мо зарурати ба сатҳи шоиста баровардани ҳамкории гуногунсоҳаи мутақобилан судманди байни ду кишварро таъкид намудем. Дар шароити рушди босуръати иқтисодии Тоҷикистон ва, бахусус фаъолияти минтақаҳои озоди иқтисодӣ ва татбиқи барномаҳои зиёди судманди иқтисодӣ, ин ҳамкорӣ метавонад густариш ёбад ва омили рушди муносибатҳои мутақобилан судманди ду кишвари дӯст гардад.

Дар чаҳорчӯбаи ин сафар мо эҷоди заминаҳои қарордодиву ҳуқуқии густариши муносибатҳои дӯстӣ ва ҳамкориро идома дода, санадҳои муҳими дуҷонибаро, аз ҷумла оид ба ҳамкорӣ дар соҳаи тандурустӣ ба имзо расонидем.

Мо ҳамкории иқтисодӣ, тиҷоратӣ, илмӣ, фарҳангӣ ва иҷтимоии ду кишварро арзишманд медонем ва қаноатмандем, ки дар ин иртибот тавофуқоти муҳим ба даст омадаанд.

Дар ҷараёни мулоқоту музокирот роҷеъ ба масоили муҳими минтақавӣ ва байналмилалӣ низ табодули афкору назариёти муфид сурат гирифт.

Қобили зикри хос аст, ки тамоми мулоқоту музокирот дар фазои созандагӣ, ҳусни ният ва эҳтироми мутақобил сурат гирифтанд.

Мо аз натиҷаҳои сафари Ҷаноби Олӣ ба кишварамон қаноатмандем ва мутмаинем, ки татбиқи паймонҳои ҳосилшуда оғози накӯи марҳилаи нави муносибатҳои дӯстӣ ва ҳамкориҳои мутақобилан судманди Тоҷикистон ва Яман мегардад». Дар ин бора аз хадамоти матбуоти сарвари давлат хабар доданд.

           

Душанбе. 27-уми феврал. ОИ «Азия-Плюс» – Иёлоти Муттаҳидаи Амрико дар соли 2009 ба Тоҷикистон дар ҳаҷми 29 млн.


$


кӯмак расониданро ба нақша гирифтааст.

           

Тавре чанде қабл ҳамоҳангсози кӯмаки хориҷии ҳукумати ИМА оид ба Аврупо ва Авруосиё Дэниел Розенблюм ба ОИ «Азия-Плюс» хабар дод, соли гузашта аз ҷониби Амрико ба Тоҷикистон ба маблағи умумии 31 млн. $ кӯмак расид.

           

Д.Розенблюм мегӯяд, феълан захоиру воситаҳои ИМА маҳдуд аст ва Конгресси Амрикоро лозим меояд, ки ба расонидани кӯмак ба кишварҳои бештар ниёздошта таваҷҷӯҳ зоҳир созад. «Мо ният дорем ба Тоҷикистон дар панҷ бахш – таъмини субботу амният, фаъолияти ҳукумати демокративу боадолат бо назардошти волоияти қонун, бахши тандурустиву маориф, таъмини рушди иқтисодӣ ва расонидани кӯмаки башардӯстона ёрӣ расонем», – гуфт ӯ.

           

Ба гуфтаи номбурда, маблағҳо ба Тоҷикистон дар шаклҳои гуногун – кӯмаки фаннӣ, бурсҳои хурд, қарзҳо тавассути муассисаҳои хурди қарздиҳӣ ва дар шакли кӯмаки башардӯстона ворид мегарданд.

           

Дар ҳамин ҳол, тибқи маълумоти Оҷонсии иттилоотиву таҳлилии


Washington ProFile, дар давраи солҳои аз соли 1992 то соли 2006 ИМА ба кишварҳои собиқ шӯравӣ (ба истиснои давлатҳои соҳили Балтика) ба сифати кӯмак 27,7 млрд. $ маблағ ҷудо кардааст, ки ба Тоҷикистон аз ин маблағ 458 млн. $ рост меояд.

Душанбе. 27-уми феврал. ОИ «Азия-Плюс» – Субҳи имрӯз Президенти Ҷумҳурии Тоҷикистон Эмомалӣ Раҳмон дар Бӯстонсарои Ҳукумати Ҷумҳурии Тоҷикистон бо Президенти Ҷумҳурии Яман Алӣ Абдулло Солеҳ, ки дирӯз бо сафари расмии ҷавобӣ ба Тоҷикистон ташриф овард, мулоқот намуд.

Масоили ҳамкории Тоҷикистону Яман нахуст дар мулоқоти хоссаи сарони ду давлат – Эмомалӣ Раҳмон ва Алӣ Абдулло Солеҳ баррасӣ шуд.

«Дар баробари робитаҳои дерини таърихӣ ва пайвандҳои зиёди фарҳангию маънавӣ кишварҳои дӯсти мо манфиатҳои амалан муштарак дар сатҳи минтақа, ҷаҳони ислом ва ҷомеаи байналмилалӣ доранд», – изҳор намуд дар оғози сӯҳбат Президенти Ҷумҳурии Тоҷикистон Эмомалӣ Раҳмон.

Боло бардоштани сатҳи муносибатҳои дуҷониба дар соҳаҳои тиҷорату иқтисод, тандурустӣ, маориф ва фарҳанг салоҳ дониста шуд.

Роҳу воситаҳои густариши ҳамкориҳои мутақобилан судманд дар музокироти васеъ бо иштироки ҳайатҳои расмии ду ҷониб ба таври муфассал муҳокима гардид.

Ҳар чӣ зудтар ба фаъолият оғоз намудани Комиссияи муштараки байниҳукуматии ҳамкориҳои дуҷониба амри муҳиму зарурӣ шумурда шуд.

Рушди босуръати Тоҷикистон, оғози фаъолияти минтақаҳои озоди иқтисодӣ ва татбиқи барномаҳои зиёди судманди он заминаи хуб барои

 

густариши муносибатҳои мутақобилан судманди ду кишвар маънидод гардид.

Густариши бештари ҳамкориҳо дар соҳаи тандурустӣ мувофиқи мақсад дониста шуд, зеро табибони тоҷик дар Яман

 

бо ҳунару маҳорати баландии касбии худ кайҳо боз миёни мардуми ин кишвар эҳтирому маҳбубият пайдо намудаанд.

Ҷониби Тоҷикистон баҳри қабули донишҷӯёни Яман дар муассисаҳои олии таълимӣ, аз ҷумла дар Донишгоҳи давлатии тиббии Тоҷикистон ба номи Абӯалӣ ибни Сино изҳори омодагӣ намуд.

Президенти Ҷумҳурии Яман Алӣ Абдулло Солеҳ

 

изҳор дошт, ки

 

дастовардҳои намоёни Тоҷикистон дар солҳои роҳбарии Эмомалӣ Раҳмон, аз ҷумла дар барқарорсозии сулҳу субот ва таъмини рушду нумӯи иқтисодию иҷтимоӣ боиси ифтихори мо ва дигар кишварҳои мусулмонӣ аст.

Ҳарду ҷониб зарурати эҳёи робитаҳои бародаршаҳрии миёни

 

Душанбе ва Санъоро таъкид намуданд.

Қарор карда шуд, ки дар Яман аз ҳисоби яке аз сафоратҳои дар кишварҳои араб мавҷудбудаи Тоҷикистон намояндагӣ кушода

 

шавад.

Дар марҳилаи ҳассоси таърихӣ ва шароити бӯҳрони глобалии молиявӣ ҳамкории васеи кишварҳои мусулмонӣ амри зарурӣ шумурда шуд.

 

Баъди анҷоми мулоқотҳо ду санади нави ҳамкорӣ ба имзо расид.

Зери Баёнияи муштараки Президенти Ҷумҳурии Тоҷикистон ва Президенти Ҷумҳурии Яман оид ба густариши муносибатҳои дӯстӣ ва ҳамкорӣ сарони ду давлат – Эмомалӣ Раҳмон ва Алӣ Абдулло Солеҳ имзо гузоштанд.

Ҳамчунин як Созишнома миёни Вазорати тандурустии Ҷумҳурии Тоҷикистон ва Вазорати тандурустӣ ва аҳолии Ҷумҳурии Яман оид ба ҳамкорӣ дар соҳаи тандурустӣ ба имзо расид.

            Сипас сарони давлатҳои Тоҷикистону Яман

 

– Эмомалӣ Раҳмон ва Алӣ Абдулло Солеҳ дар назди хабарнигорони сершумори дохилию хориҷӣ изҳороти матбуотӣ баён дошта, аз натиҷаи мулоқотҳои расмӣ арзи қаноатмандӣ карданд. Дар ин бора аз хадамоти матбуоти сарвари давлат хабар доданд.