Душанбе. 27-уми феврал. ОИ «Азия-Плюс» – Моҳи январ миёни кишварҳои собиқ шӯравӣ дар Молдова Қазоқистон ва Тоҷикистон сатҳи камтарини афзоиши таваррум ба қайд гирифта шудааст. Дар ин бора хабаргузории БелаПАН бо истинод ба мақомоти омори ин кишварҳо иттилоъ медиҳад.

           

Миёни давлатҳои собиқ Иттиҳоди Шӯравӣ афзоши нархҳои истеъмолӣ дар се кишвари номбурда (мутаносибан – 0,1; 0,3 ва 0,4 дарсад) аз ҳама пасттар аст. Афзоши аз ҳама бештари нархҳои истеъмолӣ моҳи январи соли ҷорӣ дар Белорус ба қайд гирифта шудааст, ки ба 4,1 дарсад баробар аст.

           

Сатҳи афзоиши таваррум моҳи январи соли ҷорӣ дар кишварҳои дигари собиқ шӯравӣ ба тариқи зайл аст: Украина – 2,9; Литва – 2,7; Русия- 2,4; Латвия – 2,2; Гурҷистон – 1,4; Арманистон – 1,2; Қирғизистон – 0,5 ва Озарбойҷону Эстония – 0,6 дарсад.

Душанбе. 27-уми феврал. ОИ «Азия-Плюс» – Имрӯз дар


Маркази


ҷ


умҳуриявии клиникии эндокринолог


ӣ маросими супоридани кӯмакти тиббӣ ба маблағи умумии 7 млн. $ баргузор мешавад.

Тавре аз сафорати ИМА дар Тоҷикистон ба ОИ «Азия-Плюс» хабар доданд, кӯмаки мазкур дар доираи амалисозии лоиҳаи ХОУП расонида мешаад. Дар маросими супурдани кӯмак сафири ИМА дар Тоҷикистон Трэйси Энн Ҷейкобсон, ҳамоҳангсози кӯмаки хориҷии ИМА дар Аврупо ва Авруосиё Дэниел Розенблюм ва муовини вазири тандурустии ҷумҳурӣ Соҳибназар Раҳмонов ширкат хоҳанд варзид.

Директори


Маркази


ҷ


умҳуриявии клиникии эндокринолог


ӣ Саломат Қосимова мегӯяд, як қисми кӯмак ба маблағи 1,6 млн. $ барои маркази мазкур пешбинӣ шуда, он аз инсулин барои беморони гирифтори касалии қанд иборат аст. «Қисмати боқимондаи кӯмак миёни муассисаҳои тиббии кишвар тақсим карда мешавад», – гуфт ӯ.

Тибқи маълумоти Маркази ҷумҳуриявии клиникии эндокринологӣ, айни замон дар марказ 3 ҳазор беморони гирифтор ба касалии қанд ба қайд гирифта шудаанд.

Душанбе. 26-уми феврал. ОИ «Азия-Плюс» – Операторони алоқаи мобилӣ то ҳанӯз аз таъсиси Маркази ягонаи коммутасионӣ изҳори норозигӣ мекунанд.

Чанде қабл дар мулоқоти намояндагони операторони алоқаи мобилӣ ва вазорати нақлиёту коммуникатсияи ҷумҳурӣ масъалаи мазкур мавриди баррасӣ қарор гирифт.

Дар вохӯрӣ намояндагони операторони алоқаи мобилӣ якдилона аз таъсиси маркази ягона дар заминаи ҶСК «Тоҷиктелеком» изҳори норозигӣ баён намуданд. Онҳо мутмаинанд, ки акнун тавассути ҶСК «Тоҷиктелеком» фишанги ягонаи назорати пурра аз болои фаъолияти онҳо ташкил мегардад.

Қобили зикр аст, ки сарфи назар аз ин гуна изҳорот, вазорати нақлиёту коммуникатсия лоиҳаи қарори мзкурро ҷиҳати баррасӣ ба ҳукумат ирсол кард. Сармутахассиси шӯъбаи нақлиёт ва коммуникатсияи Дастгоҳи иҷроияи президенти Тоҷикистон Алиҷон Рафиев мегӯяд, асноди фаннию молии лоиҳаи пешниҳодшуда ба ҳукумат ҳанӯз таҳия нагардидааст.

 

Душанбе. 26-уми феврал. ОИ «Азия-Плюс» – Чанде қабл дар ҷараёни баргузории нишасти матбуотӣ дар Тошканд сарони кишварҳои Ӯзбекистону Туркманистон Ислом Каримов ва Қурбонгулӣ Бердимуҳаммадов изҳор доштанд, ки коҳиши ҳаҷми об ва ҷоришавии он дар рӯдхонаҳои фаромарзӣ бидуни аудити байнулмилалӣ ғайриимкон аст.

Тавре хабаргузории ИА


REGNUM


иттилоъ медиҳад, президенти Ӯзбекистон Ислом Каримов зикр кардааст, Ӯзбекистону Туркманистон зарур мешуморанд, ки ҳангоми бунёди иншооти гидроэнегетикӣ дар рӯдхонаҳои фармарзӣ манфиатҳои кишварҳои поёноб бояд ба эътибор гирифта шавад ва фоҷеаи баҳри Арал муҳим будани ин масъаларо таъкид месозад.

Ислом Каримов пешниҳод намуд, ки таҳти сарпарастии СММ бояд дар сатҳи байнулмилалӣ ташхис гузаронида шавад ва бояд коршиносон мушаххас созанд, ки дар натиҷа ба бахши кишоварзӣ ва экологияи минтақа аз бунёди чунин иншоот то кадом андоза зарар расонида мешавад. «Мебояд манфиатҳои Ӯзбекистону Туркманистон ва Қазоқистонро низ бояд ба назар гирифт, зеро ин кишварҳо мудом аз норасоии об танқисӣ мекашанд», – гуфтааст ӯ.

Дар навбати худ президенти Туркманистон низ изҳор доштааст, ки онҳо ба коҳиши ҳаҷм ва ҷоришавии об дар рӯдхонаҳои фаромарзӣ муқобиланд. Қ.Бердимуҳаммадов гуфтааст, Туркманистон дар ҳалли ин масъала ҷонибдори истифодаи дипломатияи боздоранда (превентивӣ) аст.

Лозим ба тазаккур аст, ки моҳе пештар муовини вазири энергетика ва саноати Тоҷикистон Пӯлод Муҳиддинов изҳор дошта буд, ки сарфи назар аз муқобил будани касе, нерӯгоҳи Роғун бунёд хоҳад ёфт. Зикр гардида буд, ки бо мусоидати Бонки ҷаҳонӣ аз ҷониби коршиносони байнулмилалӣ ташхиси лоиҳаи нерӯгоҳи Роғун доир гардид ва онҳо ба чунин хулоса расиданд, ки иншооти гидроэнергетикии оянда ҳеҷ хатаре дар пай нахоҳад дошт. «Натиҷаҳои ташхиси байнулмилалиро ҳамаи кишварҳои минтақа, ба ҷуз Ӯзбекистон, ки ду маротиба пешниҳоди Бонки ҷаҳониро бобати шиносоӣ бо он рад кард, маъқул шумориданд», – гуфта буд П.Муҳиддинов.

Душанбе. 26-уми феврал. ОИ «Азия-Плюс» – Рӯзи 24-уми феврал дар ҷараёни гуфтушуниди шахсони воломақоми Намояндагии доимии ҶТ дар СММ бо намояндагони Департаменти СММ оид ба амалиёти сулҳоварии созмон масъалаи таъсиси гурӯҳи нави намояндагони Тоҷикистон дар ҳайати нерӯҳои сулҳовари СММ баррасӣ шуд.

Тавре ба ОИ «Азия-Плюс» аз Намояндагии доимии ҶТ дар СММ хабар доданд, намояндагони департаменти созмон пешниҳод сохтаанд, ки гурӯҳи нави нерӯҳои сулҳовар аз ҳисоби кормандони Вазорати умури дохилии ҶТ бо шумули 30-50 афсар таъсис гардад. «Намояндагони департамент ҷиҳати тайёр кардан ва санҷиши номзадҳо ба гурӯҳ омодагии худро изҳор намуданд», – гуфт манбаъ.

Ёдовар мешавем, феълан панҷ намояндаи Вазорати умури дохилии ҷумҳурӣ дар ҳайати нерӯҳои сулҳовари СММ дар музофоти Дарфури Судон хизмат мекунанд.